Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

20/10/2017 23:04

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»ADDAL»Amaraṭun Agraɣlan n Yimedɣasen deg Tbatent: d Azzedine Chibani d Hadjira Samsoum ay irebḥen
dimanche, 08 octobre 2017 14:01

Amaraṭun Agraɣlan n Yimedɣasen deg Tbatent: d Azzedine Chibani d Hadjira Samsoum ay irebḥen

TABATENT – D inaddalen Azzedine Chibani n Athletic Boudouaou n Bumerdas (irgazen) d Hadjira Samsoum n uqusis n Nassira-Nounou n Ldzayer Tamaneɣt (tisednan) ay irebḥen, ass n ssebt, deg teẓrigt tis 8 n Umaraṭun Agraɣlan n Yimedɣasen.

Ugar n 1500 n yimazzalen seg 11 n tmura tiwerdaniyin, gar-asent Fṛansa, Puṛtugal d Langliz, d 35 n twilayin, ay yettekkan deg umaraṭun-a aydeg uzzlen 42,195 n yikilumitren seg temdint n Tbatent ɣer uẓekka ageldan anumidi n Yimedɣasen (taɣiwant n Bumya), ɣef wakken ay d-yenna uselway n « Tiddukla n Yimeddukal n Yimedɣasen », ay yessuddsen tadyant-a s wemyalel d temɣunt n tatlitit n twilayt n Tbatent.

3 n temsizzlin n taggayin yemgerraden ay d-yellan, qelɛent seg usuddis addalan n 1 Wamber 1954, deg temdint n Tbatent, yernu llant-d tegnatin yelhan, ɣef wakken ay d-yenna Azzedine Guerfi, aselway n tiddukla n « Yimeddukal n Yimedɣasen. »

Timsizzelt tamezwarut ɣezzifet 42,195 n yikilumitren, tis snat d tin n 25 n yikilumitren yernu tettfaka deg tɣiwant n Lmeɛder, ma d tis 3 tesɛa 12 n yikilumitren yernu tettfaka deg tɣiwant n Fesdis.

Ttekkan deg tedyant-a ula d imazzalen yesɛan gar 40 d 59 n yiseggasen, yernu llan ula d wid yekkan i 50 n yiseggasen, ɣef wakken ay d-nettwaxebber, bitt yiwen n umazzal yesɛa 84 n yiseggasen yernu wa d Abdelkader Benkela ay d-yusan seg Ldzayer Tamaneɣt akken ad yettekki deg tedyant-a tagraɣlant.

Yenna-d umazzal-a dakken d ta ay d tikkelt tis 4 aydeg ara yettekki deg umaraṭun agraɣlan n Yimedɣasen yernu iḥemmel timsizzlin tiɣezfanin seg wasmi ay yella d agrud.

Yessefk ad d-nger tamawt dakken llant-d tedyanin niḍen uqbel ussuddes n tedyant-a taddalsant am werẓam, ass n lexmis, n yeɣrem n umaraṭun deg tezgelt tadelsant d taddalant n uzeglal n Kechida (Tabatent), d uqeddem n wamek ay d-ggaren yemsujjiyen addalanen iman-nsen deg tegnatin aydeg terra tmara.

Iswi n umaraṭun agraɣlan n Yimedɣasen, ɣef wakken ay d-nnan yemsuddsen-nnes, d asmal n yimedruzen n tgemmi n temnaḍt-a d weḥraz n uẓekka-a anumidi.

Lu: 16 fois
banner-aps