Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/02/2018 01:19

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»ADDAL»Talɣuɣa Taɛṛabt n Tleggimt (ilemẓiyen): 9 n tzalɣiwin i Lezzayer
mardi, 06 février 2018 11:47

Talɣuɣa Taɛṛabt n Tleggimt (ilemẓiyen): 9 n tzalɣiwin i Lezzayer

LQAHIRA– Terbeḥ-d teɣlamt tadzayrit n tleggimt (iqcicen, taggayt n yilemẓiyen) 9 n tzalɣiwin (2 n wureɣ, 3 n weẓref d 4 n webṛunz) deg Telɣuɣa Taɛṛabt ay ifuken ass n letniyen deg Usuddis Ulimpi n Al-Maadi deg Lqahira (Maṣer).

Snat n tzalɣiwin n wureɣ ay d-terbeḥ Lezzayer. Tamezwarut n Hichem Maouche (49 n yikilugṛamen), d win ay yernan Amaṣri Mahmoud Same Aly. Ma d tis snat n Farid Douibi (75 n yikilugṛamem) ay yernan Amaṣri Mohamed Bakre.

Ma d Mohamed Amine El Karia (56 n yikilugṛamen) yerbeḥ-d aẓref mi yerna Amaṣri Mustafa Mohamed Fahme. Mohamed Amine Metaoui (60 n yikilugṛamen) yerna afna-nnes amaṣri Marwan Madbole, deg wakud aydeg Ahmed Djamel Fassi (69 n yikilugṛamen) yerbeḥ-d daɣ aẓref s tmerniwt n Umaṣri Youcef Mohamed Sobhe.

Tizalɣiwin n webṛunz tebḥen-tent Rahmen Sikilli (64 n yikilugṛamen), Abdennour Aiffa (ugar n 91 n yikilugṛamen), Ahmed Berket (81 n yikilugṛamen) d Hassid Mohamed Amine (91 n yikilugṛamen).

Deg usettef amatu s teɣlamin, tusa-d Lezzayer d tis snat deffir Maṣer imi ay tessaweḍ 9 n yileggamen ɣer tgarant, deg wakud aydeg amkan wis 3 iṣaḥ-d Tunes.

Ileggamen ilemẓiyen idzayriyen sɛan talemmast n leɛmeṛ ur iɛeddan ara i 18 n yiseggasen yernu gan tannant n ussewjed n 15 n wussan deg Usuddis Addalan n Ccraga (Lezzayer Tamaneɣt).

Menɣir Lezzayer d Maṣer (tamurt timsuddest), tekkant daɣ Tunes, Limaṛat Taɛṛabin Yeddukklen, Tagelda Tasaɛudit, Qaṭar, Yaman, Libya, Falesṭin, Surya, Lubnan, Sudan d Meṛṛuk.

Lu: 26 fois
banner-aps