Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/02/2018 01:16

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»ADDAL»Uraren Ulimpiyen n Yicahen n 2018: 19 n tzalɣiwin gar-asent 6 n wureɣ i Lezzayer
lundi, 05 février 2018 11:47

Uraren Ulimpiyen n Yicahen n 2018: 19 n tzalɣiwin gar-asent 6 n wureɣ i Lezzayer

LEZZAYER TAMANEƔT – Terbeḥ-d teɣlamt tadzayrit n yicahen (iqcicen d teqcicin) ajemmal n 19 n tzalɣiwin (6 n wureɣ, 10 n weẓref d 3 n webṛunz) deg Wuraren Ulimpiyen n Yicahen ay d-yellan deg Sharjah (Limaṛat Taɛṛabin Yeddukklen) gar 26 Yennayer d 4 Fuṛaṛ, ɣef wakken ay d-tenna, ass n lḥedd, Tfidiṛalit Tadzayrit n Yicahen.

Cciɛa meɣɣren yuwey-itt umarir n yicahen Mohamed Haddouche, d akerwa-ameqran agraɣlan, d win ay d-irebḥen snat n tzalɣiwin n wureɣ deg taggayt n yimeqranen takelsakt d truradt, d tzalɣi n weẓref deg wurar arurad aṭas n « Blitz. »

Deg taggayt-nni daɣ, yerbeḥ-d Adlane Arab tazalɣi n weẓref, ma d Saad Belouadah (deg sin d ikerwaten igraɣlanen) yerbeḥ-d tin n webṛunz deg ukayad arurad.

Ɣer tsednan, terbeḥ-d Amina Mezioud ureɣ deg ukayad akelsak n « tgellidt », ma d Hayat Toubal terbeḥ-d snat n tzalɣiwin n weẓref, yiwet deg ukayad arurad, ma d tayeḍ deg ukayad arurad aṭas n Blitz. Ma d Sabrina Latreche isaḥ-itt-id webṛunz.

Deg taggayin tilemẓiyen, yerbeḥ Wassel Bousmaha i tikkelt tamezwarut deg Sharjah s tzalɣi n wureɣ n ddaw 12 n yiseggasen, ma d Aghiles Aoudia (ddaw 8 n yiseggasen), Ziyad Cheikh Boukal (ddaw 14 n yiseggasen d Abdelouhab Ouaret (ddaw 20 n yiseggasen) rebḥen-d tilzalɣiwin n weẓref.

Ɣer teqcicin, d Tinhinane Abdelaziz (ddaw 10 n yiseggasen) ay d-irebḥen ureɣ s yiwen n wurar ifazen aṭas i tbujadit, ɣef wakken ay d-tenna Tfidiṛalit deg welɣu-nnes, ma d Rania Nassr terbeḥ-d ureɣ deg taggayt n ddaw 16 n yiseggasen.

Tiysetmatin n twacult n Nassr, Ryma (ddaw 8), Manel (ddaw 12) d Lina (ddaw 14) ufrarent-d s tzalɣiwin n weẓref deg taggayin-nsent.

Taḥawact-a turbiḥt n Yidzayriyen deg Wuraren Ulimpiyen n Yicahen n Sharjah tettwaxtem s tzalɣi n webṛunz ay d-terna Assia Maakni deg taggayt n ddaw 18.

Lu: 30 fois Dernière modification le lundi, 05 février 2018 12:44
banner-aps