Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

13/12/2017 23:14

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»TIMETTI»Tabatent: assedrem n uẓeḍḍa yemmuzzgen deg wedɣal n tugzimin n tbanka (tamsetla)
mardi, 10 octobre 2017 10:40

Tabatent: assedrem n uẓeḍḍa yemmuzzgen deg wedɣal n tugzimin n tbanka (tamsetla)

TABANTENT– Teḍḍef tferqet n temsetla taɣelnawt n Meṛwana (tawilayt n Tbatent) yiwet n uẓeḍḍa yemmuzzgen deg wedɣal n tugzimin n tbanka am wakken ay tufa 700.000 n yidinaṛen n tugzimin n 1000 n yidinaṛen d warrum n weswar d tkeṛṛust n tmerrit, ɣef wakken ay aɣ-d-yenna unnegraw n temsetla n twilayt-a.

Tenna-d teɣbalut-a daɣ dakken tamhelt-a tella-d ass n 7 Tubeṛ ɣef tizi n tis 10 n tnezzayt, d tin aydeg ttwabẓen 3 n yemdanen seg uẓeḍḍa-a deffir ma uwḍent-d telɣa dakken yella yiwen n unehhaṛ yesɛa ɣer-s idrimen n tkellax deg temdint n Meṛwana.

Imir-nni kan, sbedden yimestulen tinqiḍin n ussefqed deg webrid aɣelnaw wis 86 gar Meṛwana d Wad Lma, am wakken ay medlen ibriden isinanen akken ad ḥettmen anehhaṛ-a ad yeddu ɣer webrid-nni aydeg ay as-tettwandi tceṛket deg Mecta Lɣiran, ɣef wakken ay d-tenna teɣbalut-a.

Mi walan unehhaṛ-a d umeddakel-nnes imestulen-nni, wehmen yernu sɣersen idrimen-nni n tkellax, am wakken ay nneflen i webrid, yernu sqedcen takriḍt mi urmen yimestulen ad ten-abẓen. Mi ttwaḍḍfen, yelfa-d imdanen-a deg sin yid-sen d wid ay iɛeddan yagi deg ccṛeɛ. Yiwen yesɛa 30 n yiseggasen deg leɛmeṛ-nnes, ma d wayeḍ 31.

Afettec n tkeṛṛust-nni d sin-nni n yemdanen yessaweḍ ɣer tifin n wugar n yedrimen n tkellax n tugzimt n 1000 n yidinaṛen: 85 n tugzimin n 1000 n yidinaṛen d 4 n tqerɛunin n yileɣ azewwaɣ, aẓerwal, awraɣ d uberkan d tnegwa niḍen ay sseqdacen deg wedɣal.

Uwyen sin-a n yemdanen d warrum-nni ay d-yettwaḍḍfen ɣer tesɣimt n unnegraw n temsetla taɣelnawt n Meṛwana, ɣef wakken ay d-nettwaxebber.

Tenna-d daɣ teɣbalut-a dakken mi d-sqarren imdanen-nni ay yettwabẓen, kecfen-d isem n umeckuk agejdan deg temhelt-a n wedɣal yernu ddan yimestulen ɣer wexxam-nnes yellan deg temdint n Wad Lma.

Din, ḍḍfen yimestulen kra n yifarisen ay yettwasseqdacen deg wedɣal n tugzimin, gar-asen 4 n tqerɛunin n yileɣ n weswar n 500 n yimililitren d tmeswart d unefraḍ, am wakken ay ḍḍfen yiwen n wemdan n 28 n yiseggasen ur yesɛin ara kra n yezri d ccṛeɛ. Imdanen-a ad ɛeddin ass n ttlata deg ccṛeɛ n Meṛwana.

Lu: 25 fois
banner-aps