Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

13/12/2017 23:31

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»TIMETTI»Buluɣin, Leɛqiba, Lmadaneyya, Wad Knis: aṣeggem n tilifirik n Lezzayer
mardi, 15 septembre 2015 17:44

Buluɣin, Leɛqiba, Lmadaneyya, Wad Knis: aṣeggem n tilifirik n Lezzayer

LEZZAYER TAMANEƔT – Seg tezwara n unebdu n 2015 ay yebda uxeddim n uṣeggem n yizaruɣanen (tilifirikat) n Ldzayer Tamaneɣt yerna ad ikemmel uxeddim-a arma d anebdu n 2016, ɣef wakken ay d-yenna ass n letniyen deg Ldzayer Tamaneɣt unemhal (lmudir) amatu n Tkebbanit n umesni adzayri s yiguta (ETAC), Wissam El Moukahal.   

« Nesɛa ahil n uthelli deg yizaruɣanen s uḥezzeb (aswati [arrigli] d ubeddel n tceqqufin tiqburin), yerna nebda-t-id seg wayyur n Yunyu yezrin, am wakken ay nebda daɣ nessizdig yerna nettɛawad-asen ssbiɣa », ɣef wakken ay d-yenna unemhal amatu n ETAC i Tnegga n Yisalan n Lezzayer.   

Maca, « nnig n lecɣal-a n uthelli, llan daɣ lecɣal imeqrnen ay d-yettwaheyyan i tmerniwt n ussidef n yidrimen seg uɣellet » n ttawil-a, ɣef wakken ay d-yenna Mass El Moukahal. 

Azaruɣan n Leɛqiba-Lmadaneyya la yetteddu seg 1956, yerna reqqɛen-t gar 22 Ɣuct d 6 Ctembeṛ akken « ad sselhun ammager n lɣaci deg-s s uqader n lewṣayat n uɣlif (lwizaṛa) n umesni », ɣef wakken ay d-yenna.

Ma d azaruɣan yeqqnen Buluɣin ɣer Notre-Dame d’Afrique yeḥbes acḥal n wayyuren aya. Ɣef leḥsab n unemhal amatu n ETAC, arma d tazwara n 2016 ara yebdu uxeddim n uṣeggem n uzaruɣan-a ay sseqdacen aṭas n lɣaci akken ad ddun ɣer temnaḍin tunnigin n Bab Lwad, imi ay yessefk ad yettwabeddel ugatu-nnes (lkabl).   

Seg yidis niḍen, Mass El Moukahal yenna-d d akken ixeddimen n uṣeggem n uzaruɣan yeqqnen Wad Knis ɣer Leqṣer n Yidles ad ḥebsen azaruɣan-a gar 4 d 5 n wayyuren.
Ma d azaruɣan yeqqnen Urti n Termitin ɣer Lmadaneyya (Maqam Ccahid) ad yettwareqqeɛ deg unebdu n 2016.

Ɣef leḥsab n Mass El Moukahal, d takebbanit tafṛensist n Pomagalski ay d-yettwafernen akken ad treqqeɛ yerna ad tṣeggem izaruɣanen n Lezzayer Tamaneɣt.

 Ma d azaruɣan yeqqnen Wad Quric ɣer Buzerriɛa (ay la yetteddun seg Ctembeṛ n 2014), yewweḍ-d wakud akken ad yettwaṣeggem yerna yenna-d Mass El Moukahal dakken « ad neg akk ayen umi nezmer akken ur t-ḥebbes ara, maca ma terra tmara ad t-neḥbes, ad nxebber iseqdacen-nnes seg tazwara ».

Lu: 5920 fois Dernière modification le mercredi, 16 septembre 2015 11:21
banner-aps