Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/02/2018 01:17

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»TIMETTI»Wehṛan: assiẓer n yiwen n umetthum s sin n yiseggasen n tkurmut ɣef teylit n yemrigen
lundi, 05 février 2018 11:35

Wehṛan: assiẓer n yiwen n umetthum s sin n yiseggasen n tkurmut ɣef teylit n yemrigen

WEHṚAN – Tenṭeq-d tnefrut n truẓi n wezraf n Wehṛan, ass n lḥedd, s 2 n yiseggasen n tkurmut yettwasensen mgal yiwen n umetthum ay yettwacaṛɛen ɣef teylit n yemrigen d rrṣaṣ.

Deffir weskasi ɣef ussiẓer, yessuter wuwkil n tegduda s lḥebs s teɣzef n tmeddurt mgal umetthum-a.

Tamsalt-a tebda-d deg wayyur n Yunyu n 2015, mi ḍḍfen yiferdisen n temsulta taɣedmant, deg ufettec-nsen i yiwen n wexxam deg Bir Lǧir, yiwet n tkaṛabint, abeckiḍ n wegmar, snat n tmeẓyanin tiqburin, rrṣaṣ, tabagust n tqerḍasin d tsatin.

Mi yettwabḥet, yenna-d wemdan-a dakken imrigen-nni iga yes-sen talkensit yernu iḥemmel imrigen iqburen.

Ass n lḥedd, yules yenna-d umetthum-a dakken yejmeɛ imrigen-nni i lmend n telkensit yernu ula ma ur yelli ara yesɛa ttesriḥ i waya, yessuter ad as-d-yettunefk ttesriḥ.

D acu kan, tiririyin n umetthum-a ur sqenɛent ara ineflusen. Ɣef waya, yessuter wuwkil n tegduda taẓirt s teɣzef n tmeddurt mgal umetthum-a. Ma d tamḥaddit-nnes tessuter ad yettwaɛfu.

Deffir wemciweṛ, ssaẓren ametthum s sin n yiseggasen n tkurmut yettwasensen.

Lu: 32 fois Dernière modification le lundi, 05 février 2018 12:37
banner-aps