Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/11/2017 11:21

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»TIMETTI»Assiknew gar yesbiṭaren: tedda teɣlamt n wesbiṭar n Bab Lwad ɣer Tinduf
lundi, 13 novembre 2017 14:27

Assiknew gar yesbiṭaren: tedda teɣlamt n wesbiṭar n Bab Lwad ɣer Tinduf

TINDUF – Tedda teɣlamt tasnajyant n Wammas Asbiṭaran-Asdawan n Bab Lwad (Lezzayer Tamaneɣt) ass n ssebt ɣer Tinduf anda ay tebda, ass n lḥedd, assekyed yemmuzzgen deg tesnajya n yigerdan deg twilayt-a, ɣef wakken ay d-nnan yemsuddsen n temhelt-a.

Yella-d waya deg ukatar n yiwen n wahil n ussiknew gar wesbiṭar n Bab Lwad d weɣsur anagdud asbiṭaran n Si Lḥewwas n Tinduf, yernu ad ikemmel waya arma d 18 seg wayyur-a. Iswi n waya d abdad asnajyan yelhan i yigerdan imuḍinen d ussileɣ yettkemmilen n yemsujjiyen idiganen, ɣef wakken ay d-yenna yemkellef s teɣwalt deg wesbiṭar n Si Lḥewwas, Hamma Soudani.

Semmus n yemsujjiyen n yigerdan ara yeskeyden igerdan imuḍinen yernu ad ttekkin, s waya, deg ussenqes n leɛtab n yimezdaɣen n temnaḍt-a ay tettarra tmara, tikkal, ad d-asen arma d isbiṭaren n ugafa akken ad dawin igerdan-nsen, ɣef wakken ay d-yenna Hamma Soudani.

Ɣef leḥsab n Mass Soudani, asbiṭar n Tinduf la yettkemmil ahil-nnes n ussiknew gar yesbiṭaren akken ad yeččaṛ ilem ay yellan deg kra n tmezzugin tisnajyanin.

Sbegsen-d ttawilat yessefken akken ad yettwaḍmen umahil yelhan deg ukatar n terzi-a, am wakken ay d-heyyan daɣ ttawil deg teklinit n Frantz-Fanon yellan deg wegmam n Sellaga d tin n El-Hadi Flici ay yellan deg temdint n Tinduf, ɣef wakken ay d-yenna Mass Soudani.

Steṛḥben yigensasen n kra n tiddukliwin tidiganin n tdawsa s wezwur-a yernu ḥetteten-d dakken yessefk ad rzun daɣ yemsujjiyen ɣer tɣiwant n Um Leɛsel (170 n yikilumitren) akken ad d-sfaydin ula d igerdan n temnaḍt-a seg ussekyed asnajyan yemmuzzgen.

Lu: 12 fois
banner-aps