Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

13/12/2017 23:30

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»TAZMERT-TUSSNA»Aciri d trusi turbiḥt n yiwet n tmeẓdit n SpaceX umi ulsen asseqdec
jeudi, 12 octobre 2017 10:57

Aciri d trusi turbiḥt n yiwet n tmeẓdit n SpaceX umi ulsen asseqdec

Évaluer cet Article
(0 Votes)

MIAMI– Tcar teṛmist tamarikanit n SpaceX, ass n laṛebɛa, yiwet n tmeẓdit ay yettwaznen yagi ɣer tallunt, yernu ters-d tmeẓdit-a ɣef yiwet n tɣerɣert yettifliwen deg ugaraw Aṭlasi, deg ukatar n wahil-nnes n wallus n usseqdec n yisegren n tmeẓdiyin timaynutin.

Teqleɛ tmeẓdit n Falcon 9 seg Cape Canaveral deg Florida, deg wenẓul-agmuḍan n Yiwanaken Yeddukklen, ɣef tis 6:53 n tmeddit (tis 10:53 n tmeddit s wakud n Greenwich) mi yella lḥal yeṣfa. Timeẓdit-a tbubb agensa n Echostar 105/SES-11, d agensa n teɣwalt d tliẓri ara yedlen tamnaḍt n Temrikt n Ugafa, Hawaii, Miksik d Kaṛayib.

Tuɣdaḍt-a tella-d d tucrikt gar teṛmist tamarikanit n EchoStar d teṛmist n SES yellan deg Luxembourg yernu tesɛedda-tt-id SpaceX srid deg tliẓri-nnes n Internet.

Azal n 10 n tesdidin deffir uciri, yeqqel-d wannag amezwaru n tmeẓdit-a ɣer Wakal yernu yers-d s trusi taratakt yettwabaḍen ɣef yiwet n tɣerɣert deg ugaraw Aṭlasi. « D ta ay d tarusi-nneɣ turbiḥt tis 18 », ɣef wakken ay d-yenna uwennat n tliẓri n SpaceX.

S wallus n usseqdec n tmeẓdiyin, yessaram ukerwa n SpaceX, Elon Musk, ad qqlen yissiklen ɣer tallunt ur d-sqamayen ara aṭas.

Lu: 21 fois
banner-aps