Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

20/11/2017 04:39

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»TAZMERT-TUSSNA»Gar 15 d 20% n tsednan s tadist ay yettaḍnen sskeṛ (amazzag)
mardi, 14 novembre 2017 11:10

Gar 15 d 20% n tsednan s tadist ay yettaḍnen sskeṛ (amazzag)

Évaluer cet Article
(0 Votes)

LEZZAYER TAMANEƔT – Yenna-d wepṛufisur Samir Aouiche, d amazzag n waḍḍan n sskeṛ deg wesbiṭar n Mustapha-Pacha, ass n letniyen, dakken yessefk ad d-yili wesḥulfu n tsednan s tadist ɣef yimihiten n sskeṛ n tadist, yernu iwekked-d dakken gar 15 d 20% n tsednan s tadist ay yettaḍnen ṣṣenf-a n waḍḍan n sskeṛ.

Deg yiwet n tseɣrut ay iga i Tnegga n Yisalan n Lezzayer yiwen n wass uqbel wesfugel n wass anmaḍal n waḍḍan n sskeṛ (14 Wamber) ay d-yellan, aseggas-a, s usentel n « Tameṭṭut d Waḍḍan n Sskeṛ », yenna-d umazzag-a dakken azal n 2 seg yal 10 n tsednan s tadist ttaḍnent sskeṛ n tadist yernu aya d aktamur ay yernan deg yiseggasen-a ineggura.

Yenna-d wemsarag-a dakken llan sin n leṣnaf n waḍḍan n sskeṛ ɣer tmeṭṭut. Ṣṣenf amezwaru yettḥaz tameṭṭut uqbel ma tezweǧ, ma d wis sin yettḥaz tameṭṭut deffir ma terfed s tadist.

Ɣef leḥsab n Uduktur Aouiche, aḍfar n tmeṭṭut ay yuḍnen sskeṛ yessefk ad d-yebdu 3 n wayyuren uqbel ma terfed s tadist, yernu iwekked-d dakken ur yessefk ara ad terfed tmeṭṭut s tadist lemmer ad izad fell-as lḥal deg waḍḍan-nnes n sskeṛ.

Tisednan yesɛan aḍḍan n sskeṛ yernu tebɣa ad terfed s tadist yessefk ad d-tawey ttesriḥ sɣur yemsujji-nnes yernu yessefk ad tettḍafar adawi-nnes ama ɣer temsujjit n tsednan, ama ɣer yemsujji n waḍḍan n sskeṛ arma d asmi ara d-ilal memmi-s akken ur d-yettili ara wezlag deg ugemmu n ulufan-nni daxel tɛebbuḍt n yemma-s.

Yenna-d umazzag-a dakken gar ssebbat n waḍḍan n sskeṛ n tadist yella leɛmeṛ (arfad s tadist nnig 35 n yiseggasen), tuzert, lmizan n ulufan daxel tɛebbuḍt n yemma-s (ugar n 4 n yikiluten) neɣ ugur deg taɣiwt.

Yenna-d, i lmend n waya, dakken yessefk ad tesseḥbiber tmeṭṭut akken ad tesɛu aktamur n sskeṛ d urkid deg yidammen-nnes, d win ara yilin gar 0,92 d 1,26. Anqas n wektamur n 0,92 deg wayyuren imezwura n tadist d ayen ara yeqqnen ɣer lmizan n ulufan, ɣef wakken ay d-yenna umazzag-a ay d-yernan dakken timerniwt n wektamur n sskeṛ ɣer nnig 1,53 d ayen ay yeḥwajen aḍfar d wagal uɣtis , am wakken ay yessefk ad tebdu tmuḍint asseqdec n tensulint lemmer ad yewɛeṛ usserked n wektamur n sskeṛ-nnes deg yidammen.

Ma d aselway n Tiddukla n Yimuḍinen n Sskeṛ, Faycal Ouhadda, yesmekti-d s tḥemliwin n wesḥulfu ay d-tebda tiddukla-a i wesḥulfu n medden, ladɣa tisednan, akken ad ḥezzbent mgal waḍḍan n sskeṛ, am wakken ay d-iger tiɣri akken medden ad tettetten učči d amneknay yernu ad ttgen addal. 

 

 

Lu: 15 fois Dernière modification le mardi, 14 novembre 2017 11:21
banner-aps