Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

16/01/2018 08:17

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»TAMIWIN»Tlemsan: iseksal n yiɣef n useggas amaziɣ amaynu deg Ayt Snus
vendredi, 12 janvier 2018 14:28

Tlemsan: iseksal n yiɣef n useggas amaziɣ amaynu deg Ayt Snus

TLEMSAN– Tesfugel tɣiwant n Wayt Snus, deg twilayt n Tlemsan, ass n lexmis, iɣef n useggas amaziɣ 2968 s wacḥal n yermuden d tzikknin yernu s weḥdaṛ n yiduba n twilayt.

Mi bdan yiseksal, yenna-d uwali n Tlemsan, Ali Benyaiche, dakken tameɣra-a tesɛa teqqen ɣer ureṣṣi n tmagit taɣelnawt deg wul n tsutwin tilemẓiyin, yernu iwekked-d tabaɣurt n tgemmi tadelsant tamaziɣt.

Yerna-d dakken ass n 12 Yennayer ay yeqqlen d ass n wesgunfu yettwaxellṣen yesskanay-d azal ay yefka uwanak i ummesten n tutlayt tamaziɣt s yeḍrisen imenḍawanen, am wakken ay d-yerna dakken Lezzayer d nettat ay d tamurt tawḥidt, deg Lmeɣreb, ay d-yesɣenwen Aseqqamu Unnig i Timmuzɣa yernu ur tettɛeḍḍil ara ad d-tesseɣnew takadimit n tutlayt tamaziɣt.

Tafugla n werẓam n tedyant-a, ay d-yellan deg usarir anɣiwan n Wayt Snus, d tin aydeg ay d-llant tzikknin n yifarisen inkerrazen (akawkaw, igumma ikiwanen, tamemt, zzit n uzemmur) d yisafaren n tuččit d temẓidin tinsayanin, d tizikknin aydeg ttekkant acḥal n tiddukliwin tidelsanin.

Tella-d daɣ tzikkent n ufexxar, iceḍḍiḍen iqbayliyen, iqecwalen d ḍḍbuq, ifarisen n taḍuft d tṛakniwin ay d-yettzumulen idles amaziɣ.

Agdud n yinerzafen ifeṛṛeǧ daɣ i yihanayen ay gant tekra tifulkluṛiyin am ccḍeḥ aɣerfan n « uɛellawi ».

Sbedden daɣ aqiḍun i weɛraḍ n yisafaren insayanen am ttrid, ccercem, berkukes, lesfenǧ d temẓidin tinsayanin am weɣrum s weskeṛ aydeg tella tmellalt tuftiyt.

Tasehṛa n lexmis tella-d i tfaska n « Weyrad » neɣ akaṛnaval n tmelsiwt n yiselsa n yiɣersiwen d ccḍeḥ s ubendayer, d win aydeg ilemẓiyen ttezzin-d ɣef yexxamen akken ad d-jemɛen tuččit yernu ad tt-ferqen ɣef yigellilen, gar-asen tuǧǧal d yigujilen.

Tafugla-a tfuk s tɣuri n Lfattiḥa d ddeɛwat n lxir akken ad tili tdawsa d lehna.

Lu: 9 fois Dernière modification le vendredi, 12 janvier 2018 14:46
banner-aps