Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/11/2017 11:15

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»TAMIWIN»Tizi Wezzu: ugar n 9600 n yexxamen ara yettwaqqnen ɣer wurrig agaman deg Wamber
mardi, 14 novembre 2017 11:17

Tizi Wezzu: ugar n 9600 n yexxamen ara yettwaqqnen ɣer wurrig agaman deg Wamber

TIZI WEZZU– Azal n 9616 n yexxamen n twilayt n Tizi Wezzu ara yettwaqqnen ɣer wurrig agaman deg wayyur n Wamber, ɣef wakken ay d-yenna unemhal adigan n Teṛmist n Ussedger n Tetrist d Wurrig n Tlemmast (SDC).

Mi t-nemlal deg yijifeṛ n yiwet n terzi n umahil ay iga Mohammed Bouderbali ɣef tdayṛa n Laṛebɛa n Ayt Iraten, yenna-d unemhal Mohamed Djouadi dakken ahil-a ad d-iḥaz, igiman n yexxamen deg 14 n tɣiwanin n twilayt-a, yernu d aya ara yeǧǧen tiwaculin timesfaydiyin ad sɛeddint tagrest d taẓeɣɣalt war ma uggaden ɣef wurrig n ubutan.

I lmend n waya, yettwaheyya-d wahil n wesmeẓlu ay yesɛan 5 n yisurifen, d win ay d-yebdan ass n 1 Wamber yernu theyya-t-id tmehla n Tizi Wezzu n teṛmist-a, ɣef wakken ay d-ixebber umasay-a.

Deffir ma ttwaqqnen 5084 n yexxamen n tɣiwanin n Yiɛekkuren, Buǧima, Laṛebɛa n Ayt Iraten, Buɣni d Wayt Xlili gar 1 d 11 n wayyur-a, ɣef wakken ay d-tenna tmehla tadinagt n Teṛmist n Ussedger n Tlemmast ay yebdan daɣ aserreḥ n wurrig i 608 n yexxamen deg tɣiwanin n Uẓeffun, Tizi Wezzu d Wayt Wasif, d tamhelt ay d-yebdan ass n lḥedd yernu ad tkemmel arma d ass n ssebt.

Deg dduṛt gar 19 d 25 Wamber, 3513 n twaculin n tɣiwanin n Ɛin Zzawya, Makuda, Ssuq n Letniyen, Buǧima d Wayt Yeḥya ara yettwaqqnen ɣer wurrig, deg wakud aydeg 411 n twaculin niḍen n Tmizar ad tent-yaweḍ wurrig deg dduṛt taneggarut n wayyur-a, ɣef wakken ay yessefra wahil-a n wesmeẓlu ay d-yettunefken i Tnegga n Yisalan n Lezzayer.

Tuqqniwin-a timaynutin d tid aydeg ssersen 310,71 n yikilumitren n tsenfarin n wurrig agaman yernu s waya, ad yaweḍ wemḍan n yexxamen yettwaqqnen ɣer wurrig seg Yennayer n 2017 ar ass-a ɣer 26.999, ɣef wakken ay d-tenna teɣbalut-a.

Deg terzi-nnes n umahil ɣef tdayṛa n Laṛebɛa n Ayt Iraten, yerẓem uwali urrig agaman i 1898 n twaculin timesfaydiyin deg yiɣerman n Ayt Ɛṭelli, Tawrit Meɣɣren d Wayt Fṛeḥ. Tuqqna n yexxamen-a d ayen ay d-yesqamen 495 n yimelyunen n yidinaṛen, ɣef wakken ay d-iwekked.

Yerna-d uwali dakken ad ikemmel umahil n tuqqna n wemḍan ameqran akk n yexxamen seg-a ɣer tgara n useggas akken ad zemren wugar n medden ad sɛeddin tagrest-nsen deg weẓɣal.

 

Lu: 13 fois
banner-aps