Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

17/10/2017 13:57

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»AMAḌAL»Amni Uṛufi: attham n Meṛṛuk s werkaḍ d « amaglay » n yizerfan n wemdan deg Rrif
mardi, 10 octobre 2017 10:43

Amni Uṛufi: attham n Meṛṛuk s werkaḍ d « amaglay » n yizerfan n wemdan deg Rrif

BRUXELLES– Tiddukliwin timeṛṛukiyin n westan n yizerfan n wemdan ttehment, ass n letniyen deg tesɣimt n Wemni Uṛufi deg Bruxelles, iduba imeṛṛukiyen s wemḥaq n umussu n uccetki aɣerfan d umelwi n Rrif, yernu nnant-d dakken iduba imeṛṛukiyen rekḍent arkaḍ d « amaglay » izerfan n wemdan deg temnaḍt-a.

Ɣef leḥsab n yigensasen n tiddukliwin-a, ay d-yessawlen deg usarag ɣef umussu n Ḥiṛak n Rrif deg Wemni Uṛufi, asseqdec n tekriḍt yekkan i tlisa mgal umussu-a n uccetki amelmi d ayen ay yessawḍen ɣer werkad d « amaglay n yizerfan n wemdan ».

Yessumel-d uselway n Tiddukla n Westan n Yizerfan n Wemdan deg Meṛṛuk (ASDHOM), Said Fawzi, asseqdec n tekriḍt yekkan i tlisa, abbaẓ war ssebba, acaṛeɛ, aɛetteb d usekker war ṛṛeḥma ay la sɛeddayen yemsulta ɣef yenmeskanen, yernu yerfa Mass Fawzi ɣef « usserdes yernan deg temnaḍt-a. »

Ɣef leḥsab n yimeɣnasen n yizerfan n wemdan, tagnit aydeg tella temnaḍt n Rrif ssebba-nnes d irkaḍen n yizerfan n wemdan, izerfan isertanen, idamsanen, inemttiyen d yidelsanen n yimezdaɣen n temnaḍt-a, yernu yenkeṛ itthamen « ikellaxen » n uneɣlaf amenzu ameṛṛuki ay d-yennan dakken amussu n temnaḍt-a d « amẓerbeḍḍu ».

Ma d tagensast n Tsemyuddest Tamɣarbit n Tuddsiwin n Yizerfan n Wemdan (CMODH), Khadija Ryadi, yenna-d dakken « llan-d yerkaḍen d imaglayen n yizerfan n wemdan deg Rrif », yernu tuggad seg « wexṣar amecɣab » n yizerfan n wemdan deg temnaḍt-a.

Teḥseb-d tmeɣnast-a acḥal n tegnatin n werkaḍ n yizerfan n wemdan deg wayyuren-a yezrin deg temnaḍt n Rrif, yernu tesḥassef imi d timiḍa n yimeɣnasen n umussu-a ay yettwabẓen deg temnaḍt-a, am wakken ay d-tenna dakken azal n 30 seg-sen ay igan asunded n laẓ acḥal n ledwaṛ aya akken ad d-ssummlen ama d abbaẓ-nsen ay ttwalin d amesbaṭli, ama d tagnit-nsen n weḥbas.

Lu: 19 fois
banner-aps