Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/01/2018 06:41

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»AMAḌAL»Agmar deg Tniri Tutrimt: Tasmilt n Temsetlelt d Weɣref Awniri yumar s tegrayt n ubugaṭu
jeudi, 11 janvier 2018 10:57

Agmar deg Tniri Tutrimt: Tasmilt n Temsetlelt d Weɣref Awniri yumar s tegrayt n ubugaṭu

LDZAYER TAMANEƔT – Tumar, ass n laṛebɛa, Tasmilt Taɣelnawt Tadzayrit n Temsetlelt d Weɣref Awniri, s tegrayin n ubugaṭu amatu ɣer Ccṛeɛ n Tdukli Tuṛufit ay d-yesɣerten dakken amtawa n wegmar n yiselman gar Tdukli Tuṛufit d Meṛṛuk « ur yeṣliḥ ara », ɣef wakken ay d-tenna Tesmilt-a deg yiwen n welɣu.
 
Teckeṛ-d Useqqamu Taɣelnawt Tadzayrit isali-a ay yellan d tarennawt meɣɣren i weɣref awniri imi ay d-yella waya d asteɛṛef s yissutren-nnes uzrifen, yernu d ta ay d tarennawt tis snat ay d-yellan deg Ccṛeɛ Uṛufi i lfayda n weɣref awniri. Taseɣrut dakken amtawa-a « ur yeṣliḥ ara » d asteɛṛef s tnaya n weɣref awniri ɣef tbuɣar-nnes, azref-nnes ur yettwakkasen akken ad yesɛu agemmir, tilelli d uzarug, ɣef wakken ay d-yenna welɣu-a.
 
« Tasmilt Taɣelnawt Tadzayrit n Temsetlelt d Weɣref Awniri, d wakk tismilin n n wedhal ay yettekkan deg umussu agraɣlan n temsetlelt d weɣref awniri mazal-iten ukin deg wayen yerzan asnas amellil, akmam d ururad n yeɣtasen n Ccṛeɛ n Tdukli Tuṛufit s trewla i tselfas n usseɛweq d yemtawayen irejdalen ay yekkaten akken ad reglen abrid i usselkem n yizarafen, yernu d wid ay yessamsen i yismawen n yimeskaren-nsent d tmura ay yefkan afus, d wid ur yuklalen ara ad ilin deg tallunt tuṛufit ay yellan d isirew n wezref, n ussemres n tugdut d wesmal yezgan n yizerfan n wemdan », ɣef wakken ay d-yerna welɣu-a.
 
Ɣef leḥsab n ubugaṭu amatu Wathelet, amtawa n wegmar gar Tdukli Tuṛufit d Meṛṛuk « ur yeṣliḥ ara » acku yettwasnes i Tniri Tutrimt d waman ay d-yellan sdat-s:  « S tigin n wemtawa-a, Tadukli Tuṛufit terkeḍ lwajeb-nnes akken ad tqader azref n weɣref n Tniri Tutrimt i ugguccelman, am wakken ur testeɛṛef ara tagnit taruzrift ay d-yellan seg werkaḍ-a, nnig waya, ur d-theyya ara Tdukli Tuṛufit tiḍmanin yessefken akken ad ttwaɣellten teɣbula tigamanin n Tniri Tutrimt i lfayda n weɣref n wakal-a ».
 
Lu: 13 fois
banner-aps