Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/01/2018 06:40

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»AMAḌAL»Ssummlent-d 3 n tuddsiwin tirnabaḍin agdal ay asen-tegdel Isṛayil ad adfent ɣer yikalen ifalesṭiniyen
mardi, 09 janvier 2018 13:05

Ssummlent-d 3 n tuddsiwin tirnabaḍin agdal ay asen-tegdel Isṛayil ad adfent ɣer yikalen ifalesṭiniyen

LONDON – Kraḍt n tuddsiwin tibriṭaniyin n uḥuddu n yizerfan n wemdan umi tegdel Isṛayil adaf ɣer yikalen ifalesṭiniyen yettwawedgen ɣef lǧal n uttekki-nsent deg umussu anmaḍal n Uɣanzu-Tukksa n Ussefti-Aweddeb (BDS) mgal n Isṛayil, dɣa ssummlen-ten-d, ass n letniyen, agdal-a ay ttwalint d arkaḍ n tlelli n wawal d wewliwel.

Tuddsiwin n Palestine Solidarity Campaign (PCS), Friends of Al-Aqsa (Imidiwen n Laqṣa) d War On Want d tid ay iɣennsen i lmend n yizerfan n weɣref afalesṭini d acu kan, ddan-d yismawen-nsent gar 20 n tuddsiwin tirnabaḍin umi tegdel Isṛayil adaf ɣer yikalen ifalesṭiniyen yettwawedgen. 

Deg tsedmirt-nsent ɣef weɣtas-a isṛayili, wekkden-d yigensasen n tuddsiwin-a dakken akat-a d « arkaḍ amaynu n tegna timegdayin sɣur unabaḍ isṛayili ».

Yenna-d uselway n tuddsa n PSC, Hugh Lanning, deg yiwet n tseɣrut ay d-yessuffeɣ deg wesmel n tuddsa-nnes, dakken aɣtas-a yessefk ad d-yessaki anabaḍ abriṭani d wakk wid ay yettkemmilen gellmen-d Isṛayil d tugdut.

« Tugdutin ur regglent ara abrid i medden imi ddenb-nsen awḥid d ajbad n lwelha ɣef werkaḍ n yizerfan n wemdan » d ussuter n usseqdec n wakaten irukriḍen i uferru n taluft, am wakken ay d-yerna dakken « ala iwanaken ay yebɣan ad ffren tigawin-nsen tiruɣdimin ay yetteddun tiddit am ta ».

I lmend n waya, iger-d tiɣri i uneɣlaf abriṭani n yiweẓla n wezɣar, Boris Johnson, ad yeddem akaten d « ujhiden yernu d umqiten » i uḥuddu n yizerfan n yiɣermanen ibriṭaniyen ay yebɣan ad ccetkin s webrid n talwit yernu ad zegren i tlisa war ma gan-asen unjugen irusḍifen.

Deg Meɣres yezrin, Hugh Lanning ẓẓɛen-t-id yiɣallen isṛayiliyen ɣer London mi yeɛreḍ ad yeddu ɣer yikalen ifalesṭiniyen yettwawedgen. « Tajrimt-nnes tawḥidt d aḥuddu n yizerfan n weɣref afalesṭini d wesmesken ɣef tsertiyin ay irekkḍen izerfan-a », ɣef wakken ay d-yenna tuddsa-a tarnabaḍt imir-nni.

Ma d tuddsa n Friends of Al-Aqsa (Imidiwen n Laqṣa), tenna-d deg yiwen n wesčewčew deg Twitter dakken tiddin-nnes deg « wumuɣ aberkan yesskanay-d s tidet sanda ay tewjed ad taweḍ Isṛayil akken ad tesneqmaḍ taɣect tuzrift n wezbu ».

Aselway-nnes, Ismail Patel, yenna-d, deg yiwen n yizen ay d-yessers deg Facebook, dakken tasedmirt n Isṛayil d « tarennawt i wakk wid ay yeddan d umussu n Uɣanzu-Tukksa n Ussefti-Aweddeb arma d asmi ara ifak wewdag n Falesṭin ».

« Deg webdil ad tbeddel Isṛayil tisertiyin-nnes tiwaɣanin n wewdag, nettat telha-d s ussigged d uqelleq n wid ay d-izeɣnen asekker-nnes aralsan i Yifalesṭiniyen », ɣef wakken ay d-yenna.

Ma d tuddsa n War On Want tenna-d dakken akat-a d « arram amayus i ussusem n umussu ay la yettnernin i lmend n teɣdemt, d amussu ay yesbubben i Isṛayil tamasit n werkaḍ anagrawan n yizerfan n Yifalesṭiniyen d werkaḍ yezgan i usaḍuf agraɣlan ».

 

Tesmekti-d tuddsa n War On Want iswan « uɣdimen » n tḥemla n Uɣanzu-Tukksa n Ussefti-Aweddeb yernu tger-d tiɣri i unabaḍ abriṭani akken « ad yessiẓer » amḥaq-a amaynu mgal yemḥaddiyen n yizerfan n wemdan yernu ad yeddem, war leɛḍil, akaten akken ad yesbibb i Isṛayil irkaḍen yezgan i yizerfan n Yifalesṭiniyen.  

 

 

Lu: 12 fois Dernière modification le mardi, 09 janvier 2018 13:55
banner-aps