Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

16/01/2018 08:14

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»AMAḌAL»Ifalesṭiniyen ttnadin asteɛṛef s uwanak-nsen sɣur Tdukli Tuṛufit yernu s Lquds Tagmuḍant d tamaneɣt
lundi, 08 janvier 2018 09:39

Ifalesṭiniyen ttnadin asteɛṛef s uwanak-nsen sɣur Tdukli Tuṛufit yernu s Lquds Tagmuḍant d tamaneɣt

RAMALLAH – Nnan-d yimasayen ifalesṭiniyen dakken la ttnadin ad testeɛṛef Tdukli Tuṛufit s uwanak afalesṭini s Lquds Tagmuḍant d tamaneɣt-nnes seg wasmi ay steɛṛfen Yiwanaken Yeddukklen s Lquds d tamaneɣt n Isṛayil.

Wekkdent-d kra n teɣbula tifalesṭiniyin dakken aselway afalesṭini Mahmoud Abbas yella yetteddu ad yemlil d yineɣlafen n iweẓla n wezɣar n Tdukli Tuṛufit ass n 22 Yennayer deg Bruxelles. Deg wemyager-a, ad asen-yessuter ad steɛṛfen s yikalen ay tewdeg Isṛayil deg 1967 dakken d nitni ay d awanak afalesṭini yernu tamaneɣt n uwanak-a d Lquds Tagmuḍant.

Asteɛṛef-a sɣur Tdukli Tuṛufit d ayen ara d-yesduqqsen tifrat n sin n yiwanaken ay yedhel wemɣiwan agraɣlan yernu d ayen ara yallen Ifalesṭiniyen deg wussis-nsen akken ad rren Falesṭin d amaslaḍ ummid deg Tuddsa n Yeɣlanen Yeddukklen, ɣef wakken ay d-nnant teɣbula-a.

Tasmilt n Tuddsa n Weslelli n Falesṭin la d-tessewjad tiftarin ayɣef ara d-yili udiwenni deg temlilit n useqqamu alemmas n tuddsa-a imalas ay d-yetteddun akken ad msefhamen ɣef tsertit ara ḍefren Yifalesṭiniyen seg-a ɣer sdat.

« Akaten ayɣef ara d-yili udiwenni yella gar-asen wesbadu n wassaɣen d Isṛayil d wakaten isertanen d yizerfanen ay zemren ad ten-ddmen Yifalesṭiniyen », ɣef wakken ay d-yenna Ahmed Majdalani yellan d amaslaḍ n useqqamu aslekman n Tuddsa n Weslelli n Falesṭin.

Deg Dujembeṛ yezrin, yesteɛṛef uselway amarikani Donald Trump s Lquds d tamaneɣt n Isṛayil yernu yeɣtes ad yesgiǧǧ tamahelt tamarikanit deg Isṛayil seg Tel Aviv ɣer Lquds.

Ifalesṭiniyen ɣsen ad rren Lquds Tagmuḍant d tamaneɣt n uwanak-nsen maca Isṛayil teɣs ad tili Lquds s lekmal-nnes d tamaneɣt-nnes « tamaɣlalt ».

Tewdeg Isṛayil tamdint n Lquds Tagmuḍant (ay yellan uqbel ddaw ubaḍi uṛduni) deg wemgaru n 1967. Deg 1980, tesseɣret-d Isṛayil dakken Lquds d « tamaneɣt-nnes tamaɣlalt ur ibeḍḍun », d aẓayer ayyes ur yesteɛṛef ara wemɣiwan agraɣlan.

Deg ukatar n wemtawa isṛayili-afalesṭini, aẓayer n Lquds yessefk ad yefru s lemcawṛat tusridin gar Yisṛayiliyen d Yifalesṭiniyen.

Ɛeyynen-d Yifalesṭiniyen acḥal d tikkelt dakken s kra n ubeddel n uẓayer usḍif d usertan n Lquds ad iḍurr s tamekt tamaglayt akala n talwit.

 

Lu: 12 fois Dernière modification le lundi, 08 janvier 2018 13:15
banner-aps