Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/01/2018 06:39

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»AMAḌAL»Aẓayer n Lquds: tessaẓer Tuddsa n Weslelli n Falesṭin « addud » n Yiwanaken Yeddukklen
vendredi, 05 janvier 2018 16:08

Aẓayer n Lquds: tessaẓer Tuddsa n Weslelli n Falesṭin « addud » n Yiwanaken Yeddukklen

RAMALLAH – Amaru amatu n Tuddsa n Weslelli n Falesṭin, Saeb Erakat, « yezɣen s ljehd », ass n lexmis, « addud » n Yiwanaken Yeddukklen ɣef uẓayer agaran n Lquds yettwawedgen, ɣef wakken ay d-tenna tnegga n tɣemsa tafalesṭinit n WAFA.

Deg yiwen n welɣu n tnegga ay d-tessuffeɣ tnegga n WAFA, yenna-d Mass Erekat dakken « anabaḍ amarikani yuɣ, deg tidet, sin n yebriden: aḥettem n tefratin ɣef Yifalesṭiniyen d tiǧǧit n temsalt n Lquds d yezrazaɣen » war ma tbeddel tegnit deg wenrar, yernu d aya ara d-yilin deg leṣlaḥ n wewdag isṛayili.

« War Lquds, acemma ur aɣ-d-yettɣimi, nekkni s Waɛṛaben, » ɣef wakken ay d-iɛeyyen umasay-a ay d-yegren tiɣri i tmura taɛṛabin akken ad sensent taneɣtust n 1980 ay yettwaddmen deg tqacuct n Temɣunt Taɛṛabt ay d-yegren tiɣri i yimaslaḍen n Temɣunt akken ad gezmen assaɣen idiplumatiyen d yiwanaken ara yesgiǧǧen timuhal-nsen ɣer Lquds yettwawedgen.

Timliliyin ay d-yetteddun n Temɣunt Taɛṛabt ad d-ilint ass n ssebt deg Ɛemman, deg Luṛdun, yernu ad ssiwlen deg-sent ɣef ussermed n tneɣtust n uɣanzu, ɣef wakken ay d-yenna.

Aɣtas amarikani n weḥsab n Lquds d tamaneɣt n Isṛayil yessenker-d urfan n Yifalesṭiniyen d lmuja n wezɣan deg umaḍal.

Ass n ttlata, yesɛedda wemni isṛayili yiwen n usenfar n usaḍuf iswi-nnes d assewɛeṛ n tirrin n kra n temnaḍin n Lquds ddaw tnaya taalesṭinit deg ukatar n wemtawa n talwit ay izemren ad d-yili seg-a ɣer sdat. Asaḍuf-a ad ibeddel tabadut « tanɣiwant » n Lquds yernu kra seg yegzumen n temdint-a zemren ad ten-sɣerten d « tiyunin yebḍan » ɣef Lquds.

Asɛeddi n usaḍuf-a yella-d kra kan n wussan deffir wedɣar n useqqamu alemmas n ukabar n Likud (n Benjamin Netanyahu) ɣef yiwet n tneɣtust ay d-yegren tiɣri i tuqqna n tehras n Ugemmaḍ Utrim yettwawedgen ɣer wakal Isṛayili.

Lu: 11 fois
banner-aps