Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/11/2017 11:14

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»AMAḌAL»Tamɣunt Taɛṛabt teɣra-d i temlilit tafeɣnamit s ussuter n Tgelda Tasaɛudit
lundi, 13 novembre 2017 09:45

Tamɣunt Taɛṛabt teɣra-d i temlilit tafeɣnamit s ussuter n Tgelda Tasaɛudit

LQAHIRA – Ad mlilen yineɣlafen n yiweẓla n tmura taɛṛabin « s lɛejlan » ass n lḥedd deg tesɣimt n Temɣunt Taɛṛabt, deg Lqahira, s ussuter n Tgelda Tasaɛudit akken ad d-yili weskasi ɣef yimegri-nni ay qersen ass n 4 Wamber yiɣewwaɣen iyamaniyen iḥutiyen yernu wten-t Yisaɛudiyen deg yigenni deg temnaḍt n Riyaḍ, ɣef wakken ay d-nnant, ass n lḥedd, kra n teɣbula tidiplumatiyin.

Timlilit-a tella-d deg tegnit n « wemgaru » n wawal gar sin n yimenzaɣen imeqranen n Wegmuḍ Alemmas, Tagelda Tasaɛudit d Iṛan, deg wakud aydeg werɛad ur tefri temsalt deg Lubnan anda ay yettaxer uneɣlaf amenzu Saad Hariri war ma bnan fell-as.

« Beḥṛin d Limaṛat Taɛṛabin Yeddukklen dehlent assuter n Tgelda Tasaɛudit, yernu teqbel-it Ǧibuti ay yeḍḍfen taselwit yettezzin n Temɣunt Taɛṛabt », ɣef wakken ay d-tenna yiwet n teftart tagensit n tuddsa-a ay d-bedren ttawilat n yisalan. Tagelda Tasaɛudit teɣs ad d-yili wawal ɣef yimegri-nni ay qersen yiɣewwaɣen iyamaniyen ass n 4 Wamber.

Ageldun amekkasu asaɛudi Mohammed ben Salmane yetthem Ṭehran s « wetɛeddi aserdasan usrid » mgal tmurt-nnes.

Iṛan tenkeṛ akk attekki-nnes yernu tenna-as i Tgelda Tasaɛudit « ur tetturar ara s tmes. »

Taɣawsa niḍen ayɣef teɣs Tgelda Tasaɛudit ad d-tili fell-as temlilit-a tafeɣnamit d asserɣi n yiwen n uselda ay iḥebsen, ass n ssebt, amesni n upitṛul asaɛudi ɣer Beḥṛin. Tamurt n Beḥṛin tessummel-d aya yernu tenna-d dakken wa d igi n wesfata yernu d taremmiɣt ay tga Iṛan, d acu kan, Ṭehran tenkeṛ daɣ attekki-nnes deg waya.

Seg wass n 5 Yunyu, gezment tmura n Tgelda Tasaɛudit, Limaṛat Taɛṛabin Yeddukklen , Beḥṛin d Maṣer akk assaɣen-nsent idiplumatiyen d Qaṭar, yernu ttehment-tt s « wedhal n tremmiɣt » d uqerreb ɣer Iṛan.

 

Lu: 15 fois Dernière modification le lundi, 13 novembre 2017 10:04
banner-aps