Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/11/2017 11:16

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»AMAḌAL»Spenyul: d igiman n yenmeskanen ay d-yeffɣen ɣer Madrid i ussuter n tsefrant deg Tniri Tutrimt
dimanche, 12 novembre 2017 09:59

Spenyul: d igiman n yenmeskanen ay d-yeffɣen ɣer Madrid i ussuter n tsefrant deg Tniri Tutrimt

MADRID – Ffɣen-d kra n yigiman n medden s yisem n tiddukliwin tispenyuliyin ay ibedden ɣer yidis n weɣref awniri d Yewniriyen ay izedɣen deg Spenyul, ass n ssebt deg Madrid, akken ad ssutren assuddes n tsefrant n ugguccelman deg Tniri Tutrimt war leɛḍil.

Seg wezniq n Atocha, deg tlemmast n Madrid, tedda tmeskant-a armi d amṛaḥ azamulan n Puerta del Sol, yernu refden yenmeskanen-a tikbanin tiwniriyin, d tḥucay aydeg ay ssutren talwit i weɣref awniri d wezref n ugguccelman d teɣdemt d uqader n yizerfan n wemdan deg yikalen iwniriyen yettwawedgen, yernu gar yiberriḥen umi d-ulsen yenmeskanen, yella « Talwit d Tlelli i Weɣref Awniri », « Meṛṛuk d tamednubt, Spenyul d tamasayt » d « Anda ay llan yizerfan n wemdan? », yernu tella-d tmeskant-a daɣ i ussummel n yemtawayen n 3 n yidisan ay d-yellan deg Madrid deg 14 Wamber 1975 aydeg ay tefka Spenyul akal awniri i Meṛṛuk d Muriṭanya.

D igiman n medden ay d-yusan seg wakk timdinin tispenyuliyin yernu llan gar-asen ama d ilemẓiyen, ama d imeqranen, yernu ssummlen-d imtawayen ay yeǧǧan Meṛṛuk ad tewdeg, beṛṛa i usaḍuf, akal awniri seg 1975.

Tadyant-a d tin ay yebɣan ad d-tesban imenɣi awniri deg umaḍal yernu ad tesḥulfu ṛṛay anagdud agraɣlan ɣef tegnit aydeg yedder, ass-a, weɣref awniri ay yeddren ddaw leɛnaya n tallalt talsant tagraɣlant, ɣef wakken ay d-tenna Tsemyuddest Taspenyulit n Temsetlelt d Tniri Tutrimt (Ceas-Sahara).

Lu: 18 fois Dernière modification le dimanche, 12 novembre 2017 10:04
banner-aps