Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

13/12/2017 23:31

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»TADAMSA»Anqas n ssuma n upitṛul: yessefk ad d-yili ubeddel deg tdamsa s lḥir
mardi, 14 avril 2015 10:40

Anqas n ssuma n upitṛul: yessefk ad d-yili ubeddel deg tdamsa s lḥir

LEZZAYER – Yessefk ad d-tebdu Lezzayer, s lḥir, tisemmeskal timṣukanin (réformes structurelles) akken ad tqabel ayen aydeg txuṣṣ tdamsa taɣelnawt ladɣa imi ay teɣli ssuma n upitṛul, ɣef wakken ay d-yenna ass n letniyen deg Lezzayer udemmas Mustapha Mekideche.

 

« Yessefk ad d-ilin lxetyarat ɣef zik lḥal yerna ad d-bdunt tsemmeskal timṣukanin i weḍman n tɣellist ɣef lbeɛd akk d uṣerref n yedrimen ɣef tmudemt tamaynut n gemmu », ɣef wakken ay d-yenna Mass Mekideche deg yiwen n usarag ay d-yessuddes Usud aɣelnaw n tezrawin tisuddsanin timuta ɣef tɣellist d tukkit tafudant deg Lezzayer.

 

 

Ɣef leḥsab-nnes, aɣelluy n ssuma n upitṛul yeḥṛes mliḥ tukkit tadamsant n tmurt, am wakken ay d-yesmekti dakken atan la yettimɣur lexṣaṣ n wedrim deg umarud yerna simal la trennu tukksa n yedrimen seg Usenduq n weswaḍ n tsidaf.

 

Tagnit-a, ɣef wakken ay d-yenna, d tin aydeg terra tmara ad d-yili deg-s ubeddel deg temsal n umarud, assenqes n tiɣin seg tmura n wezɣar d usseqdec n yifarisen iɣelnawen, asseqdec n ussegfer aɣelnaw i tukci n wedrim i ussefti akk d tsemmeskal deg leɣrama akken ad kecmen yedrimen ɣer tbankiwin.

 

Mass Mekideche yefka daɣ azal i tsemmeskal deg tsertit n yissekiyen inmettiyen d lemɛawna deg ssumat, ladɣa tid yeqqnen ɣer userɣu.

 

Ɣef leḥsab-nnes, daɣ, yessefk ad tettunefk tuzwirt i wesmal n tkebbanit yerna yesmekti-d, deg temsalt-a, dakken 95% seg tkebbaniyin d timeẓyanin aṭas (ssexdament ddaw 9 n yixeddamen), yerna ala 3 n tkebbaniyin deg tmurt ay yessajjawen 80% seg sselɛa yexḍan apitṛul d lgaz.

 

Deg wayen yerzan assefti abeṛṛani usrid deg Lezzayer, Mass Mekideche, ay yellan daɣ d anmazul n uselway  n CNES, yenna-d yessefk ad neqqel ɣer ussidrem uffiɣ yerna aya yif aḥettem n yemseftiyen ibeṛṛaniyen akken ad ssidrimen axeddim-nsen deg tmurt. Yessefk daɣ ad yettwassemɣer Usenduq aɣelnaw n ussefti yerna ad yeqqel d agraɣlan, am wakken ay yessefk ad d-yettwassebded usenduq anayan.

 

Seg tama niḍen, yenna-d daɣ dakken asmal n teɣbula talsanin d tkebbaniyin tidzayriyin d snat seg tsura n rrbeḥ.

 

Maca tukkit-a deg tdamsa yessefk ad d-teddu daɣ yid-s tukkit deg wafud ay yessefken i weḍman n laman n tmurt deg wayen yerzan afud, ɣef wakken ay d-iger tamawt.

 

« Tukkit tafudant ad d-tesqam ɣlayet yerna tewɛeṛ, am wakken ara d-tili deg-s tmudemt tamaynut n ussuder aydeg ara yenqes usseqdec n wafuden n ukaṛbun », ɣef wakken ay d-iɛeyyen umazzay-a.

 

Deg temsalt-a, yerna iɛeyyen-d daɣ dakken taɣellist tafudant n Lezzayer ad “tettwaggez” ɣef lbeɛd imi ay neqsent teɣbula n yiserɣa, tenqes ssuma-nsen deg ssuq agraɣlan am wakken ara yernu ussuter agensi s snat n tikkal seg-a ɣer 2030.

 

Lɛula yekkunnren (war ma neḥseb-d tid ay d-ufan seg melmi kan) ur tzemmer ara ad d-tqam assuter uffiɣ, yerna ad tettwawehhi s lekmal-nnes i ssuq n tmurt seg 2030 d asawen, ɣef wakken ay d-icar.

 

S waya, « ulac tarewla », ɣef leḥsab-nnes, ɣef uɣellet n lgaz n wesgin, asnerni n wafuden ay d-yetteqqalen d ussuder n wafud s ṣṣwab.

 

Nnig waya, yenna-d daɣ dakken afares seg teɣsar tuxliḍin n trisiti (lgaz d tafukt) ad yejj tamurt ad d-tessiger 570 n yimelyaṛen n lmitrat tigasasin n lgaz deg 25 n yiseggasen, ma d assiger n wafud s wafuden ay d-yetteqqalen ad iɛeddi I 15 n yimelyunen n TEP deg 25 n yiseggasen.

Lu: 1333 fois
banner-aps