Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

17/10/2017 12:58

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»IDLES»« Tabatent, amezruy n temdint » d adlis amaynu ɣef umezruy n tmaneɣt n Wewras
mercredi, 11 octobre 2017 11:42

« Tabatent, amezruy n temdint » d adlis amaynu ɣef umezruy n tmaneɣt n Wewras

TABATENT– « Tabatent, amezruy n temdint » d adlis amaynu n Salim Souhali, yeffeɣ-d ɣer teẓrigin n Anzar, yernu iḥekku-d ɣef umezruy d temhezt n tmaneɣt n Wewras. Adlis-a ad d-yewjed deg tnedlisin deg wussan ay d-yetteddun, ɣef wakken ay d-yenna umeskar-nnes i Tnegga n Yisalan n Ldzayer.

Yenna-d Souhali dakken yeḥka-d amezruy n temdint-a s uqader n wakud yernu iḥuza-d akk tidyanin timeqranin ay d-yellan din, am wakken ay d-yerna dakken adlis-a yebɣa-t ad yili d asmekti s tkatut n temdint-a seg wasmi ay d-tennulfa armi d asmi ay tuwey Ldzayer azarug.

Adlis-a yesɛa 298 n yisebtar yernu tedda-d deg-s telkensit n tewlafin tiqburin s uberkan d umellal, d tid n yideggen d yemdanen mechuṛen, d tid n yirusfusen d yeɣmisen iqburen ay d-ibedren kra n tedyanin ɣef Tbatent.

Adlis-a yeffeɣ-d s tutlayt taɛṛabt yernu yettakf-d tilɣa yettwasfetren ɣef kra n yidisan ur yettwassnen mliḥ ɣef umezruy n temdint-a, am wasmi ay yella yetteffeɣ-d din, deg 1880, yiwen n weɣmis isem-nnes « Aṣda n Uneẓruf » (Echo du Sahara) d weɣmis niḍen isem-nnes « Awras » (Aures) deg 1881.  

Ɣef leḥsab n Mass Souhali, adlis-a d lɣella n wussisen ay la yetteg acḥal n yiseggasen aya akken ad d-yejmeɛ taggiwin sɣur yemdanen ay mazal cfan d teftarin.

Ilul Salim Souhali deg 1956 deg Rrhawat (Tabatent), yernu yerra-d waggag-a lwelha-nnes ɣer yinurar yemgerraden am umezgun, aẓawan, assuneɣ n yefɣulen d tẓuri tassilɣant, am wakken ay d-yessuffeɣ acḥal n yedlisen deg umazrar n « Abtal min Biladi » aydeg d-yeḥka timeddurin n yigelliden imaziɣen.

Lu: 19 fois
banner-aps