Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

21/10/2017 00:17

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»IDLES»14 n tmura ara yettekkin deg Tfaska Tis 9 n Uẓawan Asimfuni
mercredi, 11 octobre 2017 11:42

14 n tmura ara yettekkin deg Tfaska Tis 9 n Uẓawan Asimfuni

LDZAYER TAMANEƔT– Tafaska Tagraɣlant n Uẓawan Asimfuni ad d-tili, aseggas-a, gar 14 d 18 Tubeṛ deg Tufiṛa n Boualem-Bessaih n Ldzayer Tamaneɣt, yernu ad d-mlilent ɣer-s 14 n tmura, gar-asent Ṭṭalyan, tinebgit n userhu, ɣef wakken ay d-yenna, ass n ttlata, yemwekkel n tfaska-a, Abdelkader Bouazzara.

Semmus n wussan ara teḍḍef tfaska-a aydeg ara d-ilin yihanayen ama n uẓawan ameɣradan, ama n tufiṛat, yernu 3 n yibarazen ara d-yilin yal iḍ.

Tuṛkist n Tufiṛat n Ldzayer ad tt-yessefrek umaystṛu Amine Kouider yesɛan 25 n yiseggasen aya seg wasmi ay la yessefrak tuṛkisin tigraɣlanin, yernu d netta ara yesferken tuṛkist n tsehṛa n tẓunẓut n tfaska-a aydeg ara ttekkin 15 n yemẓawanen d 3 n yicennayen iṭalyaniyen.

Tagrumma taṭalyanit n Arco Magico Chamber Orchestra ad d-teg ahanay-nnes deg weḥric wis sin n tsehṛa-a s wahil aydeg ara d-uraren tisawiyin mechuṛen n tufiṛat taṭalyanit.

Ad ttekkint daɣ tuɣact tiliriyin d ccnawi s waṭas n tuɣac seg Tegduda Tačikit, Tutrict, Miksik (aydeg ara d-yili ula d aẓawan ansayan), Japun, Surya d Rrus.

Tuṛkist taɣelnawt tatunsit ad tettekki wazal n 10 n tsawiyin n uẓawan akelsak, ma d Surya ad tettekki s talilt n texxamt n Usudu Imineg n Uẓawan ara d-yuraren kra n tsawiyin n uẓawan akelsak ameɣradan d tiyaḍ ay d-yettwaddmen seg tgemmi tadzayrit.

Lu: 19 fois
banner-aps