Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/02/2018 01:19

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»IDLES»Tizi Wezzu: asmal n tmaziɣt yessefk ad yekk ɣef ufares ara d-iḥazen akk inurar
mercredi, 07 février 2018 11:16

Tizi Wezzu: asmal n tmaziɣt yessefk ad yekk ɣef ufares ara d-iḥazen akk inurar

TIZI WEZZU– Asmal d wesnegmu n tmaziɣt d ayen ay yessefken ad yekk ɣef ufares ara d-iḥazen akk inurar, ɣef wakken ay d-nnan, ass n ttlata deg Tizi Wezzu, akk imttekkiyen deg yiwen n wemyager ay tessuddes tmehla tadigant n yedles i wesfugel n umulli wis sin n ussenṣeb n tutlayt-a.

Hacene Halouane, Said Chemakh (d iselmaden deg tesdawit n Mouloud-Mammeri) d Hamid Bilek (d amsenzik) gren-d tamawt dakken asmenḍew n tmaziɣt d tutlayt taɣelnawt deg 2002, asmenḍew-nnes d tunṣibt deg 2016 d ussidef-nnes ɣer uɣerbaz deg 1995 d iksaben imeqranen ay as-yefkan ljehd d asertan i tutlayt-a.

D acu kan, iɣtasen n uselway n tegduda, Mass Abdelaziz Bouteflika, yessefk ad d-yeddu yid-sen daɣ ufares d aneẓẓaw s tutlayt-a.

Afares-a i lmend n wesmal n tmaziɣt yessefk ad d-iḥaz akk inurar, gar-asen tasekla, taẓuri d tussna. Tutlayt-a yessefk daɣ ad tadef ɣer tesnatwilin timaynutin n usselɣu d teɣwalt yernu yessefk ad yessiweḍ daɣ waya ɣer wezraw n kra n tnegwa s tmaziɣt am tliktṛunit d tdamsa i lmend n ussejhed n wemkan n tutlayt-a, ɣef wakken ay d-yenna Mass Chemakh ay d-iwekkden dakken aẓayer n tutlayt tunṣibt d ayen ay as-yefkan azal i tutlayt-a yernu ad as-yeḍmen asmal d unnerni.

Deg wayen yerzan aḥqar n tutlayin, yenna-d Mass Halouane dakken, deg welmad n tutlayin, yessefk ad yebdu wemdan s welmad n tutlayt-nnes yernu yessefk ad d-yili waya i tukci n wazal i tutlayt tamaziɣt.

« Tutlayt tettili d tanesbaɣurt s wid ay tt-yessawalen yernu tetteqqal d taneɣmart mi ara tesɛu tadusi taserdasant d tdamsant, maca yessefk daɣ ad tesɛu afares ussnan d useklan », ɣef wakken ay d-yerna.

« Yal tutlayt tesɛa daxel-is ṣṣifat n tmetti ay yellan d myall-nnes yernu treẓẓem tawwurt i yedles n tmetti-a. D nekkni ay d imawlan n tmussni-nni ay yellan deg tutlayt tamaziɣt yernu ur nesɛi ara azref ad neǧǧ tabaɣurt-a n talsa ad tenger », ɣef wakken ay d-iwekked.

Ma d Mass Bilek, yenced-d, seg yidis-nnes, wid ay iḥedṛen deg usarag-a (gar-asen aṭas n yimezrawen n tesnawit) akken ad qqaren s tmaziɣt. « Timesɣiwt n yedlisen s tmaziɣt ad yessebɣes allus n ufares d weẓrag s tutlayt-a », ɣef wakken ay d-yenna.

Mi yebda wemyager-a ay yeqqnen ɣer wemsaka d ufares aseklan d wussnan s tmaziɣt, tenna-d tnemhalt n yedles n Tizi Wezzu, Nabila Goumeziane, dakken azal n tmaziɣt yekka-d seg yebriden ay terẓem deg yinurar yemgerraden n tmussni taggagant d tnaẓurant. « Tidɣar yessefk ad urarent tamlilt » d taxatart deg wemsaka d wesnegmu n tmaziɣt, ɣef wakken ay d-twekked.

Semmuset (5) n twilayin ay yettekkan deg tedyant-a n sin n wussan ay la d-yettilin deg temkarḍit tagejdant n tɣuri tanagdudt, yernu ti d Wehṛan, Tabatent, Bgayet, Tipaza d Tubiret. Tadyant-a tella-d deg-s daɣ tzikkent n yedlisen. Ḥedṛent deg tedyant-a daɣ tsuda n wesmal n tmaziɣt, gar-asent Aseqqamu Unnig i Timmuzɣa, Ammas Aɣelnaw n Yinadiyen Izarmezruyanen d Yesnemdananen, Ammas Aɣelnaw Asensegman d Wesnilsan n Usselmed n Tmaziɣt d kra n yexxamen n teẓrigin.

Lu: 42 fois
banner-aps