Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/01/2018 06:42

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»IDLES»Imalas adelsan n tgemmi tamaziɣt deg Msila: timetti tamsilit d Yennayer
vendredi, 12 janvier 2018 14:23

Imalas adelsan n tgemmi tamaziɣt deg Msila: timetti tamsilit d Yennayer

MSILA – Testeṛḥeb tmetti tamsilit s weɣtas n uselway n tegduda, Abdelaziz Bouteflika, s westeɛṛef s Yennayer (ay d-ibeddun ass n 12 Yennayer n teswast tagriguṛit) d tameɣra taɣelnawt seg useggas-a d asawen, ɣef wakken ay d-yenna, ass n lexmis, uwali Hadj Mokdad.

« Aɣtas-a amezruyan d win ay d-yesskanayen tadusi n uwanak adzayri d tezmert-nnes akken ad yeddem iɣtasen d ixataren deg wakuld iwatan », ɣef wakken ay d-yenna uwali i lmend n werẓam n yimalas adelsan i tgemmi tamaziɣt deg wexxam n yedles n tmaneɣt n Ḥuḍna.

Iwekked-d, i lmend n waya, dakken asfugel n Yennayer d win ay isemmlen tadukli taɣelnawt d wedhal n tmagit s tenḍa-nnes.

Iger-d daɣ uwali n Msila tiɣri i wesdukkel n wussisen i wesmal n usselmed n tutlayt tamaziɣt deg twilayt-a am deg twilayin niḍen n tmurt.

Tawilayt n Msila theyya-d ahil d anesbaɣur i wesfugel n yimalas n tgemmi tamaziɣt ara yeqqimen arma d 15 Yennayer s wesɛeddi n yiwet n teẓrawit ɣef tbaɣurt n tgemmi tamaziɣt deg Msila, ama d tigemmi tangant neɣ tarangant, d ussuddes n wacḥal n tzikknin n yiceḍḍiḍen insayanen imaziɣen.

Ssefran daɣ ad d-cnun tizlatin timaziɣin tinsayanin deg ukatar n yiwet n tyaka umi semman « El-Hounjoura El-Dhahabia » (taɣect n wureɣ) s uberriḥ n « tizlit tamaziɣt, d tigemmi yernu d tamagit », d tin ay tessuddes tiddukla taɣelnawt n « Wissam » i yedles d tẓuri s uttekki n 14 n tlemẓiyin d yilemẓiyen seg twilayin yemgerraden.

Tamkarḍit tagejdant n tɣuri tanagdudt (deg temdint n Msila) tessuddes, seg yidis-nnes, tazikkent n tẓuri tassilɣant d tzikkent niḍen i ugemmay n tfinaɣ, am wakken ay d-tella tzikkent n yifarisen n tuččit tamaziɣt.

Lu: 10 fois Dernière modification le vendredi, 12 janvier 2018 14:38
banner-aps