Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

16/01/2018 08:14

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»IDLES»Tamenɣest: tella-d tmeɣra tanẓawant d tanesbaɣurt i uciri n tfaska tadelsant n ccna d uẓawan amaziɣ
jeudi, 11 janvier 2018 11:12

Tamenɣest: tella-d tmeɣra tanẓawant d tanesbaɣurt i uciri n tfaska tadelsant n ccna d uẓawan amaziɣ

 
TAMENƔEST – Yella-d uhanay d anesbaɣur n uẓawan, ass n lexmis deg tsenbert n wexxam n yedles n Tmenɣest, i uciri n Tfaska Tadelsant Taɣelnawt Tis 9 n Ccna d Uẓawan Amaziɣ.
 
Tadyant-a tanaẓurant ad tili, aseggas-a deg Tmenɣest, d tadyant taxatart akk i wesfugel n yiɣef n useggas amaziɣ, Yennayer, ladɣa imi tameɣra n Yennayer ara d-yeɣlin ass n 12 Yennayer (n teswast tagriguṛit) teqqel d tameɣra tunṣibt yernu d ass n wesgunfu yettwaxellṣen s uqader n weɣtas n uselay n tegduda, Abdelaziz Bouteflika deg ukatar n yisurifen i lmend n wesmal n timmuzɣa.
 
Tafugla n werẓam n tfaska-a, deg wexxam n yedles n tmaneɣt n Uhaggaṛ d tin aydeg ttekkant acḥal n tekra seg temnaḍin yemgerraden n tmurt s leṣnaf yemgerraden n ccna d uẓawan, am waken ay d-llan yihanayen n ccḍeḥ s tkuba d tqebqabin. Aṭas n medden ay iḥedṛen i tfugla-a.
 
Gar uẓawan n lɣiḍa d ccna s yimẓad amaceɣ, tella-d daɣ tɣuri n yisefra s tmaziɣt d uhanay aydeg twet-d Badi Lalla aẓawan n tindi, am wakken ay d-iwet Idaber Belba cwiṭ n uẓawan amaceɣ atrar.
 
Ad tili tesmilt n yemgillan yemmuzzgen akken ad tqeyyem aẓawan n tekra ay yettekkan, d tasmilt ara d-yelhun s wakk leṣnaf n uẓawan amaziɣ (acawi, amaceɣ, amẓabi d weqbayli) yernu d nettat ara d-isemmin wid ara irebḥen deg wemsizwer ara d-yilin i lmend n tfaska-a, ɣef wakken ay d-nnan yemsuddsen.
Ahil n tfaska-a tadelsant ad yeḍḍef seg 10 ɣer 13 Yennayer yernu d win aydeg ssefran tisehṛiwin tinaẓuranin aydeg ara ttekkint tekra tidiganin n uẓawan amaceɣ am « Imesli n Ahektan » d « Amanir ».
 
Yessefra useqqamu n tfaska, daɣ, ad d-teg tazikkent n tewlafin ɣef yermuden yemgerraden n tfaska-a yernu ad yessuddes tirza ɣer usalay n Wefrag Aɣelnaw Adelsan n Uhaggaṛ d yisemlen imerranen yemgerraden n temnaḍt-a.
Lu: 11 fois
banner-aps