Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

13/12/2017 23:17

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»LEZZAYER»Aɣawas n unabaḍyessejhad asmatu n usselmed n tutlayt tamaziɣt (amasay)
dimanche, 08 octobre 2017 14:09

Aɣawas n unabaḍyessejhad asmatu n usselmed n tutlayt tamaziɣt (amasay)

WEHṚAN– Yenna-d umaru amatu n Useqqamu Unnig i Timmuzɣa, Si El Hachemi Assad, ass n ssebt deg Wehṛan, dakken aɣawas n unabaḍay yettwaqeblen seg melmi kan deg wemni d win ay yessejhaden asmatu n usselmed n tutlayt tamaziɣt deg wakk iswiren d wakk icriken. Mi yesselwi, deg tesɣimt n weɣmis ayallas n « El Djoumhouria » aciri n useggas aɣurbiz n 2017-2018 i usselmed n tmaziɣt i yimengaḍen, yenna-d Mass Assad dakken « la nettmahal s yisurifen iweznen akken ad neḍmen rrbeḥn termit-a yernu ad nfak asenfar-a s wenmireg d weɣlif n ussegmi aɣelnaw ay la yettekkayen deg wesmal n wesmatu n tutlayt tamaziɣt. »  

Asselmed n tutlayt-a la d-yettili, imir-a, deg 38 n twilayin, seg leɛḍil ad d-iḥaz akk tiwilayin n tmurt aseggas ay d-yetteddun lemmer ad ilin yimukan (ansaten imarudanen), ɣef wakken ay d-yenna Si El Hachemi Assad ay d-yernan dakken, seg useggas ay d-yetteddun d asawen, ad d-yeffeɣwesmal amezwaru n yiselmaden n tmaziɣt seg Usudu Imineg n Yiselmaden n Buzerriɛa. Iger-d daɣtiɣri, i lmend n waya, i werẓam n usudu am wa deg Wehṛan d ussidef n temsirin n tmaziɣt deg ṛṛadyu tamnaḍant n Wehṛan. Seg yidis niḍen, yenna-d Mass Assad dakken sbedden-d yiwet n tegrawt n umahil deg ukatar n ticcurka d Useqqamu Unnig d Timmuzɣa d weɣlif n ussegmi aɣelnaw i ussiwel ɣef wuguren isensegmanen n usselmed n tutlayt tamaziɣt d ussidef-nnes d tanga s wefran (yernu maci d tuḥtimt) deg weswir amenzu d weswir n wuqbel uɣerbaz.

Yesmekti-d daɣumasay-a s wayen ay iga Useqqamu Unnig i Timmuzɣa i uheyyi n wahilen i wesmatu n usselmed n tutlayt tamaziɣt s wemyalel d tiddukla n ussegmek n « Iqra » d Udiwan Aɣelnaw n Ussegmek d Usselmed n Yimengaḍen. Seg yidis niḍen, yules iwekked-d aɛewwel n Useqqamu Unnig i Timmuzɣa deg wayen yerzan assileɣyettkemmilen n yiselmaden ay d-iḥuzan 112 n yiselmaden d ussemɣer n wemḍan n yiselmaden d yinelmaden. 6 n tneɣriyin n usselmed n tmaziɣt i yimengaḍen ay yettwareẓmen deg Wehṛan yernu sɛant 120 n yinelmaden, neɣtalemmast n 20 n yinelmaden i tneɣrit. Inelmaden-a lemmden deg 5 n yiɣerbazen imenza d wexxam n yilemẓiyen n « Akid Lotfi » s uttekki n tiddukla tadelsant n « Numidya », ɣef wakken ay d-nettwaxebber. I lmend n terzi-a, gan-d tamsirt ɣef yisekkilen yettwasseqdacen i tirawt n tmaziɣt.

Ad yerzu daɣumaru amatu n Useqqamu Unnig i Timmuzɣa, ass n lḥedd, ɣef yiwet n tneɣrit n usselmed n tmaziɣt deg Wehṛan.

Ma d anemhal amnaḍan n Udiwan Aɣelnaw n Ussegmek d Usselmed n Yimengaḍen, Zineddine Belbachir, iwekked-d dakken adiwan-a yesɛa idrimen akken ad d-yessidef iselmaden n tmaziɣt lemmer ad ilin yinelmaden. Seg yidis niḍen, yenna-d Si El Hachemi Assad dakken, deg tezwara n 2018, ad yettwarẓem yiwen n wuḍḍun d azegzaw imi aṭas n medden ay d-yeɣɣaren i Useqqamu Unnig i Timmuzɣa akken ad t-ciwṛen, ad d-ssutren tisuqqilin neɣtiɣawsiwin niḍen, yernu yenna-d dakken ad d-ssidfen imsuqqlen yessnen ṣṣenɛa s wemyalel d weɣlif n tnazent.  

Ad yessuddes Useqqamu Unnig i Timmuzɣa, seg 20 ɣer 24 Tubeṛ, deg Illizi, Tafaska Taɣelnawt n Tmedyezt Tamaziɣt, am wakken ara yessuddes asarag agraɣlan ɣef yittekkiyen ay iga Mouloud Mammeri i tɣerma tameɣradant gar 3 d 5 Wamber deg yijifeṛn tmesrit tagraɣlant n wedlis n Ldzayer yernu i lmend n ukemmel n wesfugel n umulli wis 100 n tlalit n waggag-a adzayri. Ad tettwaḥaz tnefsart i yedlisen n Mouloud Mammeri deg tmesrit-nni, d tin aydeg ara d-rsen akk yedlisen-nnes ay d-yettwassuqqlen ɣer tmaziɣt.

Lu: 42 fois
banner-aps