Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

21/10/2017 00:12

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»LEZZAYER»Tabatent: azal n 1000 ay yessaggzen ɣer tneɣrit n welmad n tmaziɣt i yimengaḍen (amasay)
dimanche, 08 octobre 2017 13:58

Tabatent: azal n 1000 ay yessaggzen ɣer tneɣrit n welmad n tmaziɣt i yimengaḍen (amasay)

TABATENT– Azal n 1000 n yemdanen ay yessaggzen iman-nsen akken ad lemden deg tneɣrit n tmaziɣt i yimengaḍen deg temnaḍin yemgerraden n tmurt, ɣef wakken ay d-yenna, ass n ssebt, unemhal n usselmed d unadi deg Useqqamu Unnig i Timmuzɣa, Boudjemaa Aziri.  

Yerna wemḍan-a s waṭas ɣef leḥsab n useggas yezrin aydeg ala 275 ay yessaggzen iman-nsen, ɣef wakken ay d-yenna Mass Aziri deg yijifeṛn tfugla n werẓam n useggas amaynu n usselmed n tmaziɣt i yimengaḍen i 2017-2018, d tafugla ay d-yellan deg wexxam n yedles n Mohamed-Laid-Al-Khalifa.

Aseggas-a, 25 n twilayin ay terza temsalt, deg wakud aydeg deg 2016, 24 n twilayin aydeg tettwasselmed tmaziɣt i yimengaḍen, ma deg 2015, ala 14 n twilayin aydeg d-yella waya, ɣef leḥsab n Mass Aziri ay d-yernan dakken tineɣriyin-a lhan-d yid-sent 50 n yiselmaden igurdisen, amur ameqran deg-sen ffɣen-d seg tesdawit tadzayrit yernu mmuzzgen deg tutlayt tamaziɣt, am wakken ay gan issilɣen deg tsenselmedt i yimengaḍen.

Tineɣriyin-a bḍant ɣef sin n yeswiren, amezwaru yerza wid ay yessnen ad ssiwlen tamaziɣt, ma d wis sin yerza wid ur yessinen ad ssiwlen tamaziɣt.

Iswi n wezwur-a d asmatu n usselmed n tmaziɣt, yernu deg 2019, ad yebdu usselmed n tutlayt-a ula s Internet, ɣef wakken ay d-yenna umasay-a.

Tafugla-a n werẓam n useggas amaynu tella-d s weḥdaṛn yikataren n tiddukla n ussegmek n Iqra, Adiwan Aɣelnaw n Ussegmek d Usselmed n Yimengaḍen, aɣella n ugezdu n tutlayt d yedles amaziɣn Tesdawit n Tbatent Tis 2 d yiselmaden ara d-yelhun s tneɣriyin-a.

Lu: 24 fois
banner-aps