Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

13/12/2017 23:25

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»LEZZAYER»Mali: timlilit n umciweṛ n Useqqamu n Uḍfar n Umtawa n Talwit
dimanche, 17 janvier 2016 10:35

Mali: timlilit n umciweṛ n Useqqamu n Uḍfar n Umtawa n Talwit

LEZZAYER TAMANEƔT – Ad d-tili temlilit n uswir unnig n yidisan yettekkan deg Useqqamu n Uḍfar n Umtawa n Talwit deg Mali ass n letniyen deg Lezzayer Tamaneɣt i lmend n uqeyyem n ussefɛel n umtawa-a (ittifaq). Timlilit-a d Lezzayer ay d-iḍebbren ad d-tili yerna d nettat ay d-yellan d timḍebbert n tebdammast (wasaṭa) tagraɣlant ay yessawḍen ɣer umtawa-a.

Yeɛṛeḍ-d uneɣlaf adzayri n tɣawsiwin n uzɣar, Ramtane Lamamra, ɣer temlilit-a, igensasen (mumattilin) n 3 n yidisan ay yestenyan amtawa-nni (anabaḍ amali, Tasemyuddest n Yimussa n Uzawad d Tɣerɣert n Lezzayer) d wakk idisan ay yettekkan deg tebdammast (Nijir, Muriṭanya, Burkina Faso, Čad, Nijirya, Fṛansa, Iwanaken Yeddukklen n Temrikt, Tuddsa n Yiɣlanen Yeddukklen-MINUSMA, Tadukli Tafriqit-MISAHEL, Amɣiwan Adamsan n Yiwanaken n Tefriqt n Utaram, Tadukli Tuṛufit d Tuddsa n Umyalel Islaman), ɣef wakken ay aɣ-d-ixebber uɣlif n tɣawsiwin n uzɣar.

Ttwaɛeṛḍen-d yigensasen n 3 n yimaslaḍen imeɣlalen (da’imin) n Useqqamu n Tɣellist (amn) n Yiɣlanen Yeddukklen (Ccinwa, Rusya d Briṭanya Tameqrant), ɣer yidis n Kanada yellan d timḍebbert n Yicriken Itwilanen d Yidrimanen n Mali.

Timlilit talɣant (cakliyya) n tegrawt-a ad d-tili ass n letniyen taṣebḥit i « ussukku alqayan n tiṭ ɣef yisurifen ay d-yellan ɣer sdat d yiɛewwiqen ay d-yemlal ussefɛel n umtawa ».

Deg ukatar n umciweṛ ɣef temsal n nnfeɛ ucrik gar Lezzayer d Mali, tadwilt tis 10 n Useqqamu Ucrik Asuddsan Adzayri-Amali ɣef Ugafa n Mali ad d-tili ass n lḥedd deg Lezzayer Tamaneɣt, yerna timlilit-a ad d-tili s tselwit tucrikt n yidiplumatiyen n snat-a n tmura, ɣef wakken ay d-yenna ulɣu-a.

Lu: 6889 fois
banner-aps