Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

17/10/2017 13:01

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»LEZZAYER»Beddu ass n letniyen adeg n APS s tmaziɣt
dimanche, 03 mai 2015 18:48

Beddu ass n letniyen adeg n APS s tmaziɣt

LEZZAYER, 2 mayu 2015 (Tanegga) Tanegga taɣelnawt n tɣamsa, (APS), ad tebdu ass n letniyen seg Qṣenṭina yiwen n wadeg n telɣut tamatut n wegtelɣu s tutlayt tamaziɣt ara yettwarun s kraḍ isekkilen (taɛrabt, tifinaɣ, d tlatinit), deg yiwet n tfugla ara yilin ddaw n leɛnaya n uselway n tegduda, Abdelaziz Bouteflika.

Tafugla tunṣibt ara yesselwi uneɣlaf n teɣwalt, Hamid Grine, ad teḍru deg ulemmas agraɣlan n tɣamsa (CIP) deg temdint n Qṣenṭina ideg llan iseksalen n tmeskant ‘’Qṣenṭina, tamanaɣt n yidles aɛrab 2015’’.

Aɣmisa umḍin s tmaziɣt ad yeddem tasemlilt n telɣut n ufares n tnegga, ad yemmerkanti s yisallen ijedlanen (Attafttar n APS) d tɣawsiwin n yisliẓri i d-fares APS d tiyaḍ i d-fkant tleẓri d ṛṛadyu (EPTV d ENRS).

I lmend n tedyant-a, ad tili teḍrist n lkaɣeḍ n usmel-a s tutlayt tamaziɣt, amasal-is am yeɣmisen n yal ass insayanen, ad yeẓreg seg-s (yiwen n wuṭṭun) ara fken baṭel i yemdanen  d yeɣmisen.

Iswi n teẓrigt-a s lkaɣeḍ, tebɣa ad tezziken s ttbut belli yella wamek tezmer ad tili teẓrigt am ta s tmaziɣt akken daɣen ad walin yemdanen amek i tezmer ad tili telɣa-s s umata. Amahil-a yeḍfer awellih n uneɣlaf n teɣwalt, Hamid Grine, i yesbeɣsen imdanen n tɣamsa ama wid yellan d usligen neɣ wid uzayez izzayriyen akken ad ẓergen iɣmisen iɣelnawen s ymaziɣt ama wid n yal ass neɣ wid n yal imalas neɣ yal aggur.

Ad ilint tɣemmar nniḍen ara d-yernun cwiṭ cwiṭ ara nesbuɣer asmel-a, ara yuɣalen d asmel n tidet n yisallen umḍinen n tnezwit n ugtaslel, akken ad yekmel wayen ara nefk i uzayez d wid yellan deg unrar n teɣwalt.

Ugar n waya, ad yili weḥric ara iɛezlen yal imalas i yimahilen n useqqamu unnig n tummuzɣa (HCA), akken ad teshil tmeẓriwt n yimahilen ikadimiyen d leqdicat nniḍen n tsudut-a icudden ɣer tselwit n tegduda.

Seg ara tɛeddi tallit n uneɛruḍ n kra n wagguren ara aɣ-yeǧǧen ad nezmer ad newzen tiririt n uzayez d yemdanen n tɣamsa, APS la tettheggi ad tesnefli amahil ara teɛzel i yimeltaɣ-is insayanen i t-yesarmen, abeɛda imdanen yellan deg unrar n yisallen, akken ad zemren, sya d afella, ad asen-nawḍen yisallen deg yiwen n lqaleb, deg yiwen ukud am tnelliyin n telɣut yellan deg tutlayin n teɛrabt d tefransist.

Taḍrist i medden akk, ad tt-nesmerkanti s yifarisen n ugtelɣu, ad zemren daɣen ad yekcem ɣer-s yemdanen, ad as-nrennu yal ass.

Tawakla ad tesnefli ifuras umḍinen uzzigen imaynuten n ugtelɣu d ugtaslel n termest. Ad tesseddu tiɣawsiwin-a timaynutin yerzan tadamsa, addal d yelmeẓyen, d kra ifuras deg useggas-a ideg nella 2015. Tanega daɣen la tettheggi ad tessufeɣ tiliẓri deg Internet deg ukud-a i d-iteddun. 

Lu: 1628 fois Dernière modification le dimanche, 03 mai 2015 18:58
banner-aps