Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/02/2018 01:17

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»LEZZAYER»Yerra Useqqamu n Weɣlan tajmilt i uselway n tegduda deg yiwet n tebṛat n wesnemmer
jeudi, 08 février 2018 14:30

Yerra Useqqamu n Weɣlan tajmilt i uselway n tegduda deg yiwet n tebṛat n wesnemmer

LEZZAYER TAMANEƔT – Yuzen Useqqamu n Weɣlan, ass n laṛebɛa, tabṛat n wesnemmer i uselway n tegduda, Abdelaziz Bouteflika, ɣef lwelha ay d-yerra i wemni, d tin aydeg ay yefka azal meɣɣren i ussejhed n usaḍuf aɣelnaw d werẓam n webrid i wezwur d tlelli.

Deg tebṛat-a, ay d-teɣra Nouara Saadia Djaafa, d tamaslaḍt deg Useqqamu n Weɣlan, s yisem n uselway n Useqqamu-a, Abdelkader Bensalah, cekṛen-d yisinaturen lwelha ay d-yerra yiɣef n uwanak i Useqqamu-a s ussejhed n temlilt-nnes s tzemmar timaynutin ay d-tessefra tmenḍawt tamaynut.

Umaren daɣ s wussisen n uselway Bouteflika i lmend n webdad ɣer yidis n Lezzayer d weɣref-nnes, d ayen ay d-ibanen s wacḥal n yeɣtasen ixataren am Werkawal i Talwit d Wemsuɣal Aɣelnaw, ay d-yellan d « tarennawt mgal lxilaf (lfetna) yernu d ayen ay ifuken tamerwa taberkant ».

Azwur-a yessaweḍ ad yessens times n lfetna, ad yekkes ssebbat-nnes yernu ad as-yesskew iɣbula ayyes tella tgemmu, yernu asmi ay fernen Yidzayriyen abrid n wezwur-a, yeqqel d amedya i tmura niḍen ay yenḍerren seg urarkad yernu d win ay d tifrat tawḥidt ara yesjehden idurra n Yidzayriyen, d ayen ara ten-yeǧǧen ad ɛeddin i wayen ara d-yeslalen lxilaf gar-asen yernu ad qqlen ɣer tmeddurt n tɣellist d lɛafya, ɣef wakken ay d-wekkden yisinaturen deg tebṛat-a.

Snemmren daɣ yimaslaḍen n Useqqamu n Weɣlan aselway Bouteflika imi ay yeḍḍef deg wawal-nnes, ladɣa imi ass-a Lezzayer tessaweḍ ad tedder deg werkad, am wakken ay d-wekkden ɣef lwelha d wedhal ay yefka uselway Bouteflika i Tredsa Taɣelnawt Taɣerfant, netta ay yellan d amenzaḍ anafella n yiɣallen umrigen, dɣa d aya ay yeǧǧan taredsa-a ad tger isurifen meɣɣren ɣer sdat s weḍfar n webrid n ussejhed d tissudert, am wakken ay as-yerẓem Mass Bouteflika abrid i tredsa akken ad teg tuɣdaḍt-nnes tamenḍawant akken iwata ɣer yidis n tfekkiwin niḍen n tɣellist taɣelnawt.

 

Bedren-d yimaslaḍen n Useqqamu n Weɣlan tisemmeskal yemgerraden ay iga uselway n tegduda deg wakk inurar ɣer yidis n lebɣi-nnes akken ad ireṣṣi llsisan n tmagit taɣelnawt deg tmenḍawt d ussebɛed n waya ɣef wakk ayen ay izemren ad d-yeslal lfetna.

 

I lmend n waya ay d-yella weɣtas n uselway n tegduda akken ad yeqqel Yennayer d ass n tɣimit yettwaxellṣen, ɣef wakken ay d-nnan yimaslaḍen n Useqqamu n Weɣlan, ay d-yernan dakken aselway Bouteflika dima yettini-d dakken « amezruy ttalasen deg-s akk medden » yernu « takatut taɣelnawt attan ddaw ummesten n uwanak yernu deg wul n nnfeɛ-nnes ».

 

Wekkden-d daɣ dakken aselway n tegduda iga aṭas n yisseḍra seg wasmi ay yeqqel d aselway, gar-asen axelleṣ n umerwas uffiɣ i lmend n ureṣṣi n userhu d ugemmir n weɣref adzayri, yernu yessebɣes tilelli n wawal d ṛṛay, am wakken ay yekkes akk unjugen ibedden deg webrid n tlelli n tɣemsa d usselɣu.

 

Seg yidis agraɣlan, smektin-d yimaslaḍen n Useqqamu n Weɣlan dakken, deg wakud aydeg timura tinaragin atenti nḍerrent seg urarkad, yessaweḍ uselway n tegduda, s tmuɣli-nnes ɣer lbeɛd akken ad yeḥrez Lezzayer seg wakk inguzen ay izemren ad ssiwḍen ɣer twernaḍt, am wakken ay d-rnan dakken werǧin ikukra Mass Bouteflika ad yalel timura tiysetmatin ay d-yugmen seg tesnagt d termit-nnes.

 

 

Lu: 35 fois Dernière modification le jeudi, 08 février 2018 14:34
banner-aps