Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/01/2018 06:39

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»LEZZAYER»Yennayer 2018: aciri n yiseksal unṣiben n Yennayer deg Ldzayer Tamaneɣt
jeudi, 11 janvier 2018 10:54

Yennayer 2018: aciri n yiseksal unṣiben n Yennayer deg Ldzayer Tamaneɣt

 
LDZAYER TAMANEƔT– Yebda s wudem unṣib wesfugel n Yennayer, s yisem-nnes d tameɣra taɣelnawt, ass n laṛebɛa deg twilayt n Ldzayer s wesskan n ussewwi d yiceḍḍiḍen insayanen n yal tamnaḍt n tmurt.
 
Tettwassuddes tfugla-a deg tqubbet n Usuddis Ulimpi n Mohamed-Boudiaf s weḥdaṛ n uneɣlaf n tmeḍrit d waddal, deg yiwet n tallunt umi semman « ulzuz n Yennayer » i tuččit d yiceḍḍiḍen insayanen n wakk timnaḍin n Ldzayer, yernu usan-d aṭas n yinerzafen ɣer-s.
 
Gan tazikkent n yisafaren n tuččit tansayant i wegdud ay d-yettwanecden ad ɛerḍen isafaren s lbennat tineṣliyin n yal tamnaḍt i lmend n wesfugel n Yennayer.
 
Asfugel n Yennayer yemgerrad seg temnaḍt ɣer tayeḍ yernu učči ay d-ssewwayen deg-s yemgerrad daɣ, dɣa ɣef waya ay d-ssersen seksu, arfis, ccercem d waṭas n yisafaren n tuččit niḍen i wesskan n wamek ay yettwasfugul Yennayer deg yal tamnaḍt.
 
Llan daɣ yiselsa insayanen d tɣawswin n tenḍi yeqqnen ɣer tmeddurt tayallast am yifecka n tenwalt s talaɣt d yiɣir deg tzikkent-a aydeg ay ttekkant acḥal n tiddukliwin tidelsanin tidiganin.
 
Aneɣlaf n tmeḍrit d waddal yenna-d, deg tfugla n tẓunẓut, dakken aɣtas n uselway n tegduda, Abdelaziz Bouteflika, ad yerr Yennayer d « ass n wesgunfu yettwaxellṣen » d assejhed n wesnas n ussenṣef n tmaziɣt ay d-yellan deg tmenḍawt n 2016.
 
Yerna-d, i lmend n waya, dakken anabaḍ la yettmahal akken ad d-yesseḍru, deg wenrar, lewṣayat n yiɣef n uwanak i lmend n wesmal n tutlayt tamaziɣt ay yellan d tabaɣurt taɣelnawt, d ussejhed n tdukli n tmurt i lmend n ureṣṣi n umenzay n tiɣɣermi.
 
Ssersen-d yiwet n tugna meɣɣren n uselway Bouteflika, d tin ay d-gan acḥal n yinaẓuren idzayriyen akkena d rren tajmilt i wussisen n uselway n tegduda i wesmal n tutlayt tamaziɣt.
 
Ḥedṛen tneɣlaft n twennaḍt d teẓwert d-yetteqqalen, Fatima Zohra Zerouati, awali n Ldzayer, Abdelkader Zoukh d kra n yimaslaḍen n tfekka tadiplumatit yellan deg Ldzayer deg tfugla-a ay yesfugulen adaf n useggas n 2968 n teswast tankerrazt tamaziɣt.
 
I wesmekti, yenna-d uselway n tegduda, Abdelaziz Bouteflika, deg yiwet n temlilit n useqqamu n yineɣladen n 27 Dujembeṛ yezrin, dakken yeɣtes ad yerr Yennayer d ass n wesgunfu yettwaxellṣen.
Lu: 24 fois
banner-aps