Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

16/01/2018 08:24

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»LEZZAYER»Zemren ad ttwasqedcen yiselmaden uɛḍilen d yimestaɣen deg wemkan n yiselmaden imsundad
mercredi, 10 janvier 2018 09:48

Zemren ad ttwasqedcen yiselmaden uɛḍilen d yimestaɣen deg wemkan n yiselmaden imsundad

LEZZAYER TAMANEƔT– Tenna-d tneɣlaft n ussegmi aɣelnaw, Nouria Benghabrit, dakken tefka ttesriḥ i yinemhalen n ussegmi ad smersen iselmaden uɛḍilen d yimestaɣen deg wemkan n yiselmaden imsundad ay igan asunded, acḥal n ledwaṛ aya deg wacḥal n twilayin s teɣri n Useqqamu Aɣelnaw Afulman n Yixeddamen n Usselmed (CNASPESTE).

Deg yiwet n tseɣrut i Tnegga n Yisalan n Lezzayer, deg yijifeṛ n weklas n « Malhamet Yennayer » (Tifufit n Yennayer) ay d-cnan yibalmuden n tzeɣɣa n Aissai-Messaoudi, tenna-d tneɣlaft dakken « lmufid netta ad neḍmen i yibalmuden akemmel n temsirin deg twilayin n Tizi Wezzu, Leblida d Bgayet » ay iḥuza umussu-a, yernu twekked-d dakken tefka ttesriḥ i yinemhalen n ussegmi ad smersen iselmaden uɛḍilen d yimestaɣen akken ad ḍemnen akemmel n tezrawin i yibalmuden yernu ad ten-id-swejden i yikayaden.

Tiwwura n udiwenni d yenmula d tiddukliwin n yimawlan n yibalmuden mazal « reẓment », ɣef wakken ay d-twekked Massa Benghabrit, maca tules twekked-d daɣ dakken aɣlif-nnes iɛewwel ad yeḍmen akemmel n temsirin n yibalmuden, ladɣa wid ara yesɛeddin ikayaden ixataren aseggas-a.  

Tfureṣ daɣ tneɣlaft tagnit ad d-tger tiɣri i yiselmaden imsundad akken ad d-qqlen ɣer tesnagt yernu ad qqlen ɣer usselmed deg leṣlaḥ n yibalmuden, yernu txebber-d dakken yella-d, ass n ttlata tameddit, wemyager gar Tfidiṛalit Taɣelnawt n Tiddukliwin n Yimawlan n Yibalmuden d weɣlif i lmend n « ussekyed n yiɣeblan yerzan asunded n yiselmaden deg twilayin-nni ay d-yettwabedren ».

Lu: 18 fois
banner-aps