Connexion

Connectez-vous à votre compte

Identifiant
Mot de passe
Rester connecté(e)

Tawakla isallen n Lezzayer

Azal ubeddel n Dinar n lezzayer |26/03/2015

USD 1$ in 94.51 in 100.29
EUR 1€ in 103.62 in 109.96
JPY 100¥ in 79.00 in 83.84
GBP in 140.71 in 149.37

 

 

Iduga n tamiwin

 
 
 
 
Algérie Presse Service - Actualité à la Une

19/01/2018 06:41

  Ḍeffṛet akk tamirant :   facebook  Facebook   Twitter  Twitter   Youtube  Youtube   RSS  Flux RSS

Vous êtes ici : Amugger»LEZZAYER»Yeɣḍem uselway Bouteflika amezruy s yisekkilen n wureɣ s westeɛṛef s Yennayer ass aɣelnaw
mardi, 09 janvier 2018 09:44

Yeɣḍem uselway Bouteflika amezruy s yisekkilen n wureɣ s westeɛṛef s Yennayer ass aɣelnaw

TUBIRET – Yenna-d uneɣlaf n tmeḍrit d waddal, El-Hadi Ould Ali, ass n letniyen deg Tubiret, dakken mi yesteɛṛef uselway n tegduda, Abdelaziz Bouteflika, s Yennayer d tameɣra tunṣibt taɣelnawt i lmend n ussejhed n tdukli n weɣref adzayri, « yeɣḍem amezruy s yisekkilen n wureɣ. »

« Yeddel uselway n tegduda, Mass Abdelaziz Bouteflika, aɣtas d amezruyan. Yeɣḍem amezruy s yisekkilen n wureɣ s ussejhed n tdukli n weɣref adzayri s tmeɣra taɣelnawt tunṣibt n Yennayer ara yeqqlen ad yettwasfugul yal aseggas deg wakk tiwilayin n tmurt », ɣef wakken ay d-yenna uneɣlaf deg yiwen n wemyager d tɣemsa deg yijifeṛ n tfugla n uciri n wesfugel n yiɣef n useggas amaziɣ n 2968 deg yeɣrem adraran n Tasala, deg tɣiwant n Teɣzut, deg wegmuḍ n Tubiret.

Yenna-d Mass Ould Ali dakken « yumar aṭas » s wesfugel n Yennayer aseggas-a s yisem-nnes d tameɣra tunṣibt deg Tubiret deffir acḥal n yiseggasen n wesfel.

« Nerra tajmilt d tameqrant i uselway n tegduda ɣef westeɛṛef s Yennayer, yernu yessefk ad nzuxx s yeksaben-a », ɣef wakken ay d-yenna.

S weɣtas-a, yenna-d uneɣlaf dakken « aselway Abdelaziz Bouteflika yessejhed tadukli tamagant n Yidzayriyen. Yessefk ad nmahel akken ara neḥrez aksab-a d werkad d talwit deg tmurt-nneɣ », ɣef wakken ay d-iwekked uneɣlaf ay yerzan ɣef wacḥal n tnefsarin n tzikkent n tɣawsiwin n tenḍi tamaziɣt deg yeɣrem n Tasala.

Ifureṣ Mass Ould Ali tagnit-a akken ad d-yesmekti i yilemẓiyen n tmurt akken ma tella akken ad ddukklen ugar i lebni n Lezzayer ijehden akken ad rren tajmilt i yimeɣrusen-nneɣ, am wakken ay yules iwekked-d awjad d lebɣi-nnes akken ad isel yernu ad yebded i yiɣeblan yemgerraden n yilemẓiyen deg twilayt n Tubiret d tmurt akken ma tella i lmend n uferru n wuguren n lexṣaṣ ula ma llan-d wussisen d imeqranen deg ukatar n wahilen isemseggasen n uselway n tegduda.

« Tbeddel tegnit aṭas deg wayen yerzan imenɣi amagan deg tmurt-nneɣ. Aṭas n tɣawsiwin ay yettewgen yernu ad d-yeqqim waya d aksab axatar i wakk Idzayriyen », ɣef wakken ay d-yenna uneɣlaf ay d-yernan dakken « ma deg wayen yerzan lexṣaṣ, yessefk ad nmahel ddukkli s ussirem n ussiweḍ ɣer yeswiyen ay d-nḥudd i lmend n lebni n Lezzayer-nneɣ ijehden, yeddukklen. »

Deffir westeɛṛef s Yennayer, « yessefk ad nmahel ɣef usseɣnew n Tkadimit Tadzayrit n Tutlayt d Yedles Amaziɣ d ukemmel n umahil i lmend n wesmal d wesmatu n tutlayt tamaziɣt », ɣef wakken ay d-yerna uneɣlaf.

 

Lu: 48 fois
banner-aps